Azerbajxhani është plotësisht i gatshëm, nëse qeveria bullgare dëshiron, të diskutojë çështjen e furnizimeve shtesë të gazit azerbajxhanas me çmimet më të mira, veçanërisht për ne, tha presidenti Rumen Radev para gazetarëve në Bruksel. Ai e diskutoi këtë çështje me homologun e tij Illham Aliev në takimin e Partneritetit Lindor, që u mbajt më 15 dhjetor.

“Megjithatë, për ne është e rëndësishme që të kemi një transportues fizik – këtë lidhje të gazit midis Bullgarisë dhe Greqisë, të cilën e presim për 10 vjet dhe akoma nuk është e ndërtuar. Ne folëm me kryeministrin grek Kiriakos Micotakis, i cili do të jetë në Bullgari më 20 dhjetor për të vazhduar bisedimet. Dhe shpresoj se vitin e ardhshëm Bullgaria do të zgjidhë një çështje shumë të rëndësishme për të”, tha Radev.