Agresioni rus në Ukrainë e ngre çështjen e sigurisë. Me Poloninë, ne jemi të bashkuar në përpjekjet tona për të forcuar krahun lindor të NATO-së, tha Presidenti Rumen Radev pas një takimi në Sofje me Presidentin polak Anxhej Duda.
Ata diskutuan kushtet që Aleanca të prezantojë plane reagimi të shkallëzuara bazuar në kërcënimet. Formimi i grupeve luftarake shumëkombëshe është vetëm një pjesë e këtyre përpjekjeve, shpjegoi Radev.
Problemi me aviacionin është veçanërisht kritik për Bullgarinë. Nëse nuk marrim masa urgjente, rrezikojmë të varrosim aviacionin ushtarak dhe të kërkojmë nga fqinjët të marrin përsipër angazhimet tona, shtoi presidenti. Ai foli me Duda që Polonia të ndihmojë në riparimin e aeroplanëve bullgarë MiG-29.
Presidenti Rumen Radev dhe homologu i tij polak Anxhej Duda bënë thirrje gjithahshtu për pavarësi energjetike nga furnizimet me gaz rus. “Rusia tani po tregon se çfarë është terrori ushtarak, por më parë na tregonte se çfarë është shantazhi energjetik”, komentoi Kreu i Shtetit Polak. Nga ana e tij, Presidenti bullgar theksoi se duhet të përmirësohet lidhja nga Greqia përmes Bullgarisë drejt Rumanisë dhe të ndërtohet një sistem tubacionesh përgjatë gjithë krahut lindor. "Disa nga këto projekte mund të realizohen me mekanizmat financiarë të NATO-s, të cilat do t'i kërkojnë vendet e rajonit në samitin e ardhshëm pas dy ditësh", tha Rumen Radev.
Ministri i arsimit dhe shkencës Prof. Galin Cokov mori pjesë në ceremoninë përkujtimore në Qendrën Përkujtimore në Potoçari me rastin e 29 vjetorit të gjenocidit në Srebrenicë. Në shenjë respekti për viktimat, ai vendosi lule në pllakën..
Pres që "Po e vazhdojmë ndryshimin - Bullgaria Demokratike" (PP-DB) të deklarojnë qartë nëse do të jenë në opozitë apo do të kërkojnë mbështetje për formimin e qeverisë, deklaroi presidenti Rumen Radev në Burgas, ku mori pjesë në stërvitjen "Briz..
Nga Uashingtoni, ushtruesi i detyrës së kryeministrit Dimitër Gllavçev tha se nuk ka shpjegim pse presidenti ende nuk ka shpallur datën për dorëzimin e mandatit të dytë eksplorues për formimin e qeverisë. “Sigurisht që presidenti Rumen Radev ka..