Agresioni rus në Ukrainë e ngre çështjen e sigurisë. Me Poloninë, ne jemi të bashkuar në përpjekjet tona për të forcuar krahun lindor të NATO-së, tha Presidenti Rumen Radev pas një takimi në Sofje me Presidentin polak Anxhej Duda.
Ata diskutuan kushtet që Aleanca të prezantojë plane reagimi të shkallëzuara bazuar në kërcënimet. Formimi i grupeve luftarake shumëkombëshe është vetëm një pjesë e këtyre përpjekjeve, shpjegoi Radev.
Problemi me aviacionin është veçanërisht kritik për Bullgarinë. Nëse nuk marrim masa urgjente, rrezikojmë të varrosim aviacionin ushtarak dhe të kërkojmë nga fqinjët të marrin përsipër angazhimet tona, shtoi presidenti. Ai foli me Duda që Polonia të ndihmojë në riparimin e aeroplanëve bullgarë MiG-29.
Presidenti Rumen Radev dhe homologu i tij polak Anxhej Duda bënë thirrje gjithahshtu për pavarësi energjetike nga furnizimet me gaz rus. “Rusia tani po tregon se çfarë është terrori ushtarak, por më parë na tregonte se çfarë është shantazhi energjetik”, komentoi Kreu i Shtetit Polak. Nga ana e tij, Presidenti bullgar theksoi se duhet të përmirësohet lidhja nga Greqia përmes Bullgarisë drejt Rumanisë dhe të ndërtohet një sistem tubacionesh përgjatë gjithë krahut lindor. "Disa nga këto projekte mund të realizohen me mekanizmat financiarë të NATO-s, të cilat do t'i kërkojnë vendet e rajonit në samitin e ardhshëm pas dy ditësh", tha Rumen Radev.
Në një bisedë me presidentin Joe Biden gjatë përkujtimit të 75-vjetorit të NATO-s, kryeministri në detyrë Dimitër Gllavçev deklaroi se Bullgaria është një aleat besnik. Nga ana e tij, Biden vlerësoi lart rolin e Bullgarisë në krahun lindor të..
Ekspozita udhëtuese "Gjurmët e zhdukjes" paraqet forma të punuara prej biomaterialesh të gjurmëvetë kafshëve të rrezikuara në malin e Rodopeve, të cilat rikrijojnë habitatet e tyre natyrore, raportoi BTA. Ekspozita do të vizitojë qytetin..
Nga 10 korriku fillon riparimi kryesor i Urës së Danubit në afërsi të Ruses, njofton Agjencia “Infrastruktura Rrugore”. Punimet e ndërtimit do të kryhen çdo ditë gjatë orëve të ditës, 10-12 orë në ditë, sipas specifikave të aktiviteteve të..