Më 7 prill, ministrat e mbrojtjes të vendeve të Detit të Zi mbajtën një video-konferencë për minat që lundrojnë në det dhe sigurinë në rajon, në sfondin e luftës në Ukrainë, njoftoi Reuterts. Me ftesë të Ankarasë ministrat e mbrojtjes të Turqisë, Bullgarisë, Gjeorgjisë, Polonisë, Rumanisë dhe Ukrainës diskutuan situatën. Ministri turk Hulusi Akar tha pas takimit se bisedimet ishin shumë efektive dhe theksoi rëndësinë e bashkëpunimit në Detin e Zi për paqen, qetësinë dhe stabilitetin. U diskutuan hapat e mundshëm për të zbutur krizën humanitare dhe për të ofruar ndihmë për Ukrainën dhe u bë thirrje për një armëpushim.