Programi i ditës
Radioja Kombëtare Bullgare © 2022 Të gjitha të drejtat janë të rezervuara

Pjesëmarrja bullgare në Eurovision është sot

Mbështetni këngën bullgare "Intention" dhe muzikantët nga Intelligent Music Project

Foto: Facebook /Intelligent Music Project

Më 10 maj është gjysmëfinalja e parë e Eurovision, që këtë vit zhvillohet në Torino të Italisë. Siç tashmë ju kemi informuar, përfaqësuesi bullgar në edicionin e vitit 2022 është grupi Intelligent Music Project. Gjysmëfinalja e dytë është më 12 maj dhe finalja ku do të mësojmë emrin e fituesit është më 14 maj.

Bullgaria është në Top 2 të vendeve më të suksesshme në konkurs për 6 vitet e fundit për nga numri total i pikëve të marra në finale. Para vendit tonë në renditje është vetëm Italia, e cila fitoi konkursin në vitin 2021 dhe pas nesh janë 38 vende të tjera, përfshirë ato me industri të zhvilluara muzikore, si Suedia, Britania, Gjermania, Spanja, Franca. Renditja merr parasysh pikët nga finalet me pjesëmarrjen bullgare nga viti 2016. Përgjegjësit për rezultatin e shkëlqyeshëm të Bullgarisë janë vendi i dytë i Kristian Kostovit në vitin 2017 në Kiev, vendi i katërt i Poli Genovës në 2016 në Stokholm, vendi i 11-të i Viktorias në Roterdam në 2021 dhe vendi i 14-të i EQUINOX në Lisbonë në 2018.

Ju kujtojmë se Intelligent Music Project është krijuar me idenë e Milen Vrabevskit në vitin 2012, i cili është producent dhe autor i të gjithë muzikës dhe teksteve të grupit. Megjithëse me profesion është mjek, Dr. Vrabevski ka ide të jashtëzakonshme muzikore dhe talent për të bërë muzikë dhe për të mbledhur njerëzit e duhur.

Në fillim, Intelligent Music Project ishte një grup studio që përfshinte pianistin Ivo Stefanov, i cili luante rolin e regjisorit të zërit dhe bashkëproducentit të muzikës, së bashku me shumë yje ndërkombëtarë të rokut. Milen Vrabevski tashmë ka 6 albume me grupin. Përbërja e tanishme e formacionit muzikor është që nga viti 2018. Grupi ka nëntë anëtarë dhe përfshin disa nga muzikantët më të mirë bullgarë.

Ja se çfarë tha para mikrofonit të Zheni Monevës në një intervistë për BNR këngëtari i ri Sllavin Sllavçev:

“Për mua mesazhi i këngës “Intention” është i përjetshëm. Ai ka të bëjë me gjëra që kanë emocionuar njerëz nga epoka të ndryshme. Teksti flet për luftën e brendshme të njeriut për t'i lejuar vetes të zhvillohet. Ndonjëherë kufijtë që i vendosim vetes na futin në burg. Do të thosha se ky është himni i njeriut që dëshiron të ecë përpara dhe të zhvillohet”.

Ronnie Romero, i cili prej 3 vitesh është frontman dhe është plotësisht i angazhuar me Intelligent Music Project, është ndoshta rok këngëtari më aktiv dhe më i kërkuar i, i zgjedhur personalisht nga legjenda Richie Blackmore për të kënduar për Rainbow. Në lidhje me pjesëmarrjen e vet të ardhshme me Intelligent Music Project në Eurovision, Ronnie Romero thotë:


"Si muzikantë, ne kemi një përgjegjësi të madhe sot, duke pasur parasysh pandeminë nga e cila po dalim, si dheluftën midis Rusisë dhe Ukrainës. Ne duhet t'u japim njerëzve një mesazh pozitiv, t'u japim shpresë. Ne duhet të marrim përgjegjësi për t'i bërë njerëzit më të lumtur dhe për t'i nxjerrë ata nga ky realitet, edhe pse për një kohë të shkurtër. Ne jemi një grup i vërtetë rock, kemi vite që luajmë bashkë, ndaj kemi një shans real për të fituar, pavarësisht konkurrencës dhe faktit se do të dalim në skenë menjëherë pas grupit nga Ukraina”.

Përgatiti në shqip: Vesella Mançeva

Foto: Facebook /Intelligent Music Project

Më shumë nga rubrika

Pak më shumë xhaz...

Everybody Needs A Little More Jazz – kjo është motoja e zgjedhur nga këngëtarja AnaBella – Ana Topallova dhe kompozitori Minko Llambov për koncertin e tyre. “Kjo është një dhuratë për të gjithë njohësit e ndjesisë elegante, të bukur, të hollë..

botuar më 22-12-05 5.07.MD

Lili Ivanova e mbyll turneun e saj kombëtar me një koncert në Sofje

Turneu kombëtar i legjendës së estradës bullgare Lili Ivanova kaloi me shumë interes, salla të mbushura dhe me duartrokitje dhe brohoritje të vazhdueshme "Të duam" nga publiku. Pas 31 takimeve të paharrueshme me fansat në qytetet e vogla dhe të..

botuar më 22-12-04 11.20.PD

Radio-premiera e "Iglika" – albumi i ri i Vladimir Karparov

Albumi "Iglika" ka mbledhur nëntë kompozime origjinale të saksofonistit të njohur bullgar. Çdo një prej tyre është si një pjesë e një mozaiku shumëngjyrësh dhe tregon përvojat personale dhe ngjarjet në jetën e tij në vitet e fundit. Muzika, një..

botuar më 22-12-02 7.15.PD