Në Pragë, Presidentët e Bullgarisë dhe Çekisë, Rumen Radev dhe Milosh Zeman, dënuan ashpër pushtimin rus të Ukrainës. Kreu i shtetit bullgar tha se ky agresion kërkon një përgjigje të bashkuar brenda NATO-s dhe BE-së, një transformim të thellë dhe vendimtar të Aleancës, një koncept të ri strategjik me fokus në krahun lindor, njofton BTA. Sipas Radev, sanksionet kundër Rusisë duhet të jenë efektive, por të mos lejojnë që ato të dëmtojnë sistemet tona ekonomike dhe sociale. Ai theksoi se pezullimi i furnizimit me naftë nuk do të ketë një efekt të mirë në ekonominë tonë.

Zeman tha për mediat se Çekia mbështet plotësisht hyrjen e Bullgarisë në Hapësirën e Shengenit.

Rumen Radev theksoi edhe lidhjet e thella historike midis Çekisë dhe Bullgarisë, që datojnë në shekullin e IX me misionin historik të vëllezërve Kirill dhe Metodij.

• Shpirti i mësuesve të parë sllavë na thërret afër brigjeve të Moravisë
  

Presidenti bullgar theksoi edhe bashkëpunimin e mirë në fushën e shkencës, kulturës dhe arsimit. “Vlerësojmë shumë lartë studimin e gjuhës bullgare në Universitetin Karllovi në Pragë dhe të gjuhës çeke në Bullgari. Ky është një kusht i rëndësishëm për shkëmbimin e lirë në kulturë, ekonomi, arsim, në të gjitha fushat e jetës së sotme”, tha Presidenti Radev.