Kryeministri i dorëhequr Kirill Petkov tha se mandati për formimin e qeverisë së re do të kthehet. Ai parashikoi hyrjen në një krizë politike, e cila “do t’u kushtojë shumë qytetarëve bullgarë”. Sipas tij, do të humbasin një sërë mundësish – projektligjet e nevojshme për Planin e Rimëkëmbjes dhe Qëndrueshmërisë, ndryshimet në Komisionin për Luftimin e Korrupsionit dhe Konfiskimin e Pasurisë së Fituar në Mënyrë të Paligjshme, etj. Kirill Petkov shtoi se partia e tij do të mbështesë “gjithçka”, por nuk do të lejojë negociatat me Deljan Peevski, Bojko Borisov dhe Sllavi Trifonov.

Në lidhje me inaugurimit të interkonektorit me Greqinë, Kirill Petkov tha se pret që gazi azerbajxhanas të fillojë të rrjedhë nga gushti. Sipas tij, aktualisht çmimi i gazit azerbajxhanas është i barabartë me atë të “Gazprom”, por pas hapjes së lidhjes së re të gazit do të bjerë me 30 për qind.

• U hap lidhja e dytë bullgaro-greke e gazit
• Partia kryesore opozitare GERB shpalli bojkotimin e parlamentit