Programi i ditës
Размер на шрифта
Radioja Kombëtare Bullgare © 2022 Të gjitha të drejtat janë të rezervuara

Politologu Nedellço Mihajllov nga Haga: Ka një shans për një qeveri të pakicës me shumicë të luhatshme

Foto: arkiv personal

Këto zgjedhje ishin të komplikuara, sepse edhe situata është e ndërlikuar - kërcënimi i recesionit global, inflacioni i lartë, konflikti i afërt ushtarak... Dhe në këtë situatë kritike, politikanët bullgarë nuk pushuan së preokupuari elektoratin me veten e tyre, në vend që të kërkonin mënyra për t’i zgjidhur problemet e tij, mendon politologu i ri dhe master i menaxhimit të krizave Nedellço Mihajllov. Ai jeton në qytetin e Hagës, Holandë, ku është diplomuar për shkenca politike, por ndjek nga afër situatën në Bullgari. Sipas tij, kjo seri krizash krijon “stuhinë perfekte” për një humbje të thellë të besimit në politikë dhe në procesin zgjedhor tek bashkatdhetarët tanë, gjë që duket qartë nga pjesëmarrja e ulët e votuesve në zgjedhjet parlamentare, më e dobëta gjatë 32 vjetëve të fundit.

“Ky është një trend në të gjithë Evropën dhe në mbarë botën perëndimore.Krizat e shumta pengojnë dhe i tronditin qeveritë.Në Holandë, në Çeki, në shumë vende mund të vërehet një destabilizim”, tha Nedellço Mihajllov për Radio Bullgarinë dhe shtoi:

Por nga pikëpamja e politikës së jashtme, orientimi euroatlantik i Bullgarisë nuk do të ndryshojë. Rusofilët e vërtetë do të jenë të paktë ose pakicë në parlamentin e ri. Por edhe në Evropë ka një tendencë që rezultatet e qendrës së djathtë të rriten. Merrni për shembull Italinë ose Suedinë. Në vendin tonë, votuesit e “Vëzrazhdane” janë të zhgënjyer nga sistemi politik, ishte një lloj vote proteste kundër sistemit, siç ishte vota për “Ka një popull të tillë” (ITN) në zgjedhjet e verës së kaluar, e cila pësoi kolaps në këto zgjedhje. Megjithatë, votimi i 2 tetorit tregoi pa mëdyshje se nuk do të ketë ndryshime të mëdha në orientimin politik të jashtëm të vendit, sepse partitë me orientim euroatlantik morën mbështetjen më serioze. Dhe rritja e votuesve të "Vëzrazhdane" na kujton se rusofilia në Bullgari ka një thelb, por jo aq të madh sa ndihej para zgjedhjeve" - ​​thotë Nedellço Mihajllov.

Proporcionet në parlamentin e ri janë ruajtur, nuk ka ndryshim të dukshëm në konfigurimet partiake, por këtë herë iniciativa është në duart e partisë GERB, e cila fitoi votën me mbi 25%, beson politologu. Megjithatë, pjesëmarrja e ulët e votuesve tregon pa mëdyshje se votuesi bullgar është i lodhur nga votimi. Ai kërkon që shteti të funksionojë më në fund pas dy vitesh zgjedhje të parakohshme, dështime dhe grindje, beson politologu. Por krijimi i një qeverie të mundshme brenda parlamentit të ri duket pothuajse një mision i pamundur. Gjithsesi:

Ndoshta opsioni ideal, më i mundshmi, është një qeveri e pakicës me shumicë të luhatshme, ndonëse e pasigurt. Sepse zyrtarisht do të jetë e vështirë për të bërë një koalicion. Ne pamë në zgjedhje që GERB dhe Lëvizja për të Drejtat dhe Liritë (DPS) ruajnë elektoratin e tyre, por nuk janë absolutisht fitimprurës. Dhe për një koalicion të qëndrueshëm euroatlantik duhet të hyjë edhe “Bullgaria Demokratike”, si dhe “Po e vazhdojmë ndryshimin”, por ata deklaruan se nuk do të bëjë koalicion me GERB-in. Prandaj, nëse ka një koalicion, ai do të jetë i mazhorancës lundruese. Dhe kjo, si të thuash, do të jetë zgjidhja më e mirë për ato parti që nuk dëshirojnë të humbasin elektoratin e tyre, nëse bëjnë një hap më serioz prapa dhe ulen në tryezën e bisedimeve”, përfundon Nedellço Mihajllov.

Përgatiti në shqip: Vesella Mançeva

Foto: arkivi i Nedellço Mihajllovit, BGNES

Më shumë nga rubrika

Ngjarjet me adresë ballkanike

Për herë të parë, Frontex do të ruajë jashtë BE-së në kufijtë e Ballkanit Perëndimor Që në vitin 2023, BE-ja do të vendosë oficerë të Agjencisë së Kontrollit të Kufirit Frontex në territorin e vendeve të Ballkanit që duan t'i bashkohen..

botuar më 22-12-09 2.44.MD

Presidenti Rumen Radev u takua me përfaqësues të bullgarëve në Shqipëri

Bullgaria po bën shumë dhe po punon në nivelin më të lartë politik me autoritetet shqiptare për çështjet e pakicës kombëtare bullgare, tha presidenti Rumen Radev në një takim në ambasadën bullgare në Tiranë me përfaqësues të bullgarëve vendas...

botuar më 22-12-06 10.42.PD

Presidenti Rumen Radev është duke bërë një vizitë në Shqipëri

Presidenti Rumen Radev mbërriti në Tiranë të Shqipërisë, ku më 6 dhjetor, do të marrë pjesë në Samitin Bashkimi Evropian - Ballkani Perëndimor, njofton zyra e shtypit e presidencës. Në kuadër të vizitës sot parashikohet një takim i presidentit..

botuar më 22-12-05 6.07.MD