Në javën e parë të fushatës zgjedhore, koalicioni “Po e vazhdojmë ndryshimin - Bullgaria Demokratike” kryeson me një avantazh minimal prej 0.9 për qind ndaj GERB-SDS. Të dy formacionet marrin miratimin përkatësisht nga 26.5 për qind dhe 25.6 për qind. Në vend të tretë është DPS me 13.6 për qind, e ndjekur nga “Vëzrazhdane” me 12.9 për qind dhe BSP me 7.5 për qind. Arsyeja pse partia e majtë po humb votat është koalicioni i ri “E majta”, i cili mbledh 3.5 për qind miratim dhe tani për tani mbetet nën barrierën prej 4 për qind. Pranë pragut për hyrje në parlament janë edhe dy formacione të tjera – “Ngritja Bullgare” me 3.6 për qind dhe “Ka një popull të tillë” me 3.1 për qind.

Sondazhi i Agjencisë “Trend” u bë me porosi të gazetës “24 Çasa” dhe u realizua në periudhën 6-12 mars 2023 përmes një interviste ballë për ballë me 1005 persona.

• “Alpha Research”: Pesë formacione me shanse për të hyrë në parlamentin e ardhshëm
• Për momentin nuk është e qartë cila parti ose koalicion do të jetë e para