Vizita e parë e kreut të shtetit serb Aleksandër Vuçiç në Bosilegrad dhe rajon që prej 97 vitesh, me të cilën ai filloi një program ambicioz për zgjidhjen e problemeve në vend, u bë shkak për arrestimin e dy shtetasve me origjinë bullgare. Rasti shkaktoi një reagim të gjerë në vendin tonë dhe Ministria e Punëve të Jashtme bullgare kërkoi shpjegim nga ambasadori serb për arsyet e arrestimit, që “shkaktoi një reagim negativ në Bullgari”.
“Si një njeri i lindur dhe i rritur në Bosilegrad, desha t’i them presidentit Vuçiç se ka shumë probleme në qytet. Natyrisht, dëshira jonë për ta përqendruar vëmendjen e tij në problemet e Bosilegradit e pengoi dikë - theksoi Daniella Mihajlloviç, një nga të arrestuarit para vizitës së shkurtër të Vuçiçit në qytetin e saj. Nëna e re shpjegoi për Radio Bullgarinë: - Fakti që presidenti zgjodhi të mbërrijë me helikopter tregon se ai ndoshta e di që rrugët për në Bosilegrad nuk janë në gjendje të mirë. Po të kishte përdorur makinë, do të mësonte në çfarë gjendje janë rrugët deri në qytet. Na arrestuan me një lajmërim të dikujt se me pankartat tona shqetësuam rendin publik dhe personalisht atë. Në to shkruhej se duam dorëheqjen e kryetarit të bashkisë Vlladimir Zahariev, vuajmë nga varfëria dhe jemi të uritur.”
Në një letër të hapur drejtuar Avokatit të Popullit dhe ministrive të ndryshme, që mbeti pa përgjigje, banorët e Bosilegradit shkruan edhe për problemet mjedisore të zonës që nuk zgjidhen prej vitesh, të shkaktuara nga funksionimi i minierës “Karamanica” pranë qytetit dhe minierës në malin Bjasna Kobilla.
“Puna e minierës në mal çon në shembjen dhe shkatërrimin e tij. Njerëzit atje nuk ndihen të sigurt, sepse nuk e dinë se ku do të jetë shembja e radhës – shpjegon Daniella. - Gjashtë kratere të mëdhenj tashmë u formuan në mal. Lumenjtë pranë minierave janë të ndotur dhe kjo është e dukshme, pasi uji rrjedh herë gri, herë i bardhë. Edhe pse ky ujë është i nevojshëm si të vaditen tokat, ashtu edhe për kafshët. Njëra nga minierat pushoi së punuari, por nuk e dimë se sa kjo e përmirësoi ekologjinë e zonës, sepse analizat bëhen nga një kompani private nga Novi Sadi, të dhënave të së cilës personalisht unë nuk u besoj.”
Institucionet janë në dijeni edhe për një problem tjetër në një nga fshatrat e komunës, duket qartë nga letra dhe nga fjalët e Daniellës:
“Në fshatin Glozhie që nga viti 2015 janë të regjistruar 15 zjarre të shtëpive, veturave dhe çdo pasurie tjetër. Megjithatë, autorët e tyre nuk dihen ende. Policia thotë për vendet ku ka rrymë se shkak është qarku i shkurtër, ndërsa për vendet ku nuk ka energji elektrike, se nuk e dinë. Është nga të paktët fshatra të zonës ku ka ende të rinj. Ata kanë frikë të kalojnë natën në shtëpitë e tyre sepse nuk e dinë se cilës shtëpi do t’i vihet zjarri më pas.”
Banorët e zonës ankohen edhe për infrastrukturën e keqe, e cila pothuajse nuk ekziston në disa fshatra. Kjo përbën një rrezik real për shëndetin dhe sigurinë e njerëzve në to dhe çon në raste absurde ku për një vdekje në ndonjë prej fshatrave kuptohet aksidentalisht, ndonjëherë muaj më vonë.
Nga Daniella Mihajlloviç mësojmë se njerëzit nuk ndjejnë mbështetje për zgjidhjen e problemeve nga kryetari i komunës së Bosilegradit, Vlladimir Zahariev. Kjo është ndoshta arsyeja pse ata kërkojnë dorëheqjen e tij.
Ndërkohë Ministria e Jashtme e Bullgarisë kërkoi shpjegim për arrestimet e shtetasve me vetëdije bullgare në fqinjin ynë perëndimor. Në një bisedë telefonike me ambasadorin e Serbisë në vendin tonë, Zellko Joviç, drejtoresha e përgjithshme e “Çështjeve Evropiane” në departament, Sllavena Gergova, theksoi se respektimi i të drejtave të njeriut dhe në veçanti sigurimi i mundësisë për lirinë e shprehjes janë kushte kyçe në procesin e integrimit evropian të Serbisë.
Përgatiti në shqip: Svetllana Dimitrova
Foto: Facebook / Julijana Damnjanovic, BGNES, Daniella MihajlloviçPas nënshkrimit të marrëveshjes mes qeverive të Bullgarisë dhe Moldavisë, Universiteti Shtetëror në qytetin Taraklia u bë strukturë e Universitetit “Angell Kënçev” në qytetin bullgar Ruse, njoftoi qendra për shtyp e Këshillit të Ministrave. Nëpërmjet..
Bullgaria do të mirëpresë rreth 200 nxënës dhe të rinj nga e gjithë bota, të cilët do të marrin pjesë në Olimpiadën e parë Ndërkombëtare të Inteligjencës Artificiale, të krijuar nga bullgarët. Në garë kanë konfirmuar pjesëmarrjen 44 ekipe, dy prej..
Një studim i kompanisë së zgjidhjeve të biznesit "Moneypenny" tregon Sofjen si qytetin më të mirë për një evropian mesatar për të jetuar pas daljes në pension, shkruan revista "FORBES". Renditja merr parasysh faktorë të tillë si kostoja mesatare e..
Këtë javë pritet që presidentja e Komisionit Evropian, Ursula von der Leyen , të prezantojë zyrtarisht propozimin e saj për strukturën dhe përbërjen e..
Në edicionin e 31-të të Panairit Tradicional Vjeshtor që fillon sot në Parkun e Qytetit të Razgradit, prodhues nga i gjithë vendi do të prezantojnë..