Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Grupi “Ostava” po fillon një mini-turne në Gjermani dhe Austri

Foto: Facebook/ Ostava

Nuk është klishe që grupi “Ostava” ka më shumë se 30 vjet që bën muzikë autentike me tekste në të cilat e shohin veten disa breza. Këtë verë ata kanë dy turne - si në skenat e tyre në shtëpi, ashtu edhe jashtë vendit. Ato fillojnë në datat 9, 10 dhe 11 qershor, kur djemtë “do të pushtojnë” Berlinin, Vjenën dhe Munihun.

"Ne nuk kemi pasur shfaqje në Gjermani për disa vite, që para pandemisë Covid, kështu që jemi shumë të emocionuar," tha frontmeni i “Ostava” dhe autori kryesor i teksteve, Svilen Noev. - "Në këto qytete është gjithmonë shumë bukur, kemi shumë miq atje. Shumë të rinj bullgarë studiojnë në Gjermani dhe Austri, kështu që jam i lumtur që do të këndojmë përsëri këngët tona”, shtoi muzikanti.

I pyetur se cilat këngë këndon publiku më shumë në këto koncerte – hitet e vjetra apo të rejat, ai përgjigjet se të rinjve – 20-25 vjeç – u pëlqejnë më shumë këngët nga dy albumet e tyre të fundit “Oqeani” dhe “Oksigjeni, si p.sh. kënga "Depërtimi" dhe kënga e fundit "Klisheja". Por ata i duan edhe këngët e tyre të para: "Sigurisht, hiti më i madh është "Çokollata" - e vendos në mes të koncertit dhe pastaj të gjithë fillojnë të këndojnë, të puthen, krijohet një atmosferë dashurie”, shpjegon Svilen, duke shtuar:

"Këngët e reja pëlqehen më shumë nga publiku. "A do të vish me mua", "Njeriu i vogël" dhe "Fushat e lulediellit" janë “mega hite”. Por nuk duhet të harrojmë këngët e vjetra - ato janë shumë melodike dhe më të thjeshta nga pikëpamja e harmonisë. Në atë kohë Zhoro dhe unë ende po mësonim se si të kompozonim. Fundi i viteve '90 ishte një periudhë post-grunge, post-Britpop, ishte një kohë, kur ne dëgjonim muzikë amerikane dhe angleze dhe thjesht donim të bënim këngë të mira. Në këngët e reja përsëri i ndjekim trendet botërore... Mundohemi të konkurrojmë me më të mëdhenjtë në botë, që të ndihemi të sigurt se nuk jemi retro. Është rrezikshëm t’i thoni një njeriu 40-vjeçar se është legjendë dhe ai të këndojë "Çokollata" gjithë jetën. Unë desha të kompozoj shumë këngë të tjera - të paktën 50-60 këngë të mira, kështu që çdo ditë dëgjoj albume të reja dhe frymëzohem nga të rinjtë”.

Pas kthimit nga Berlini, Vjena dhe Munihu, djemtë nga “Ostava” do të vazhdojnë turneun e tyre në Bullgari - më 1 korrik do të jenë në Teatrin Veror në Burgas, ndërsa më 16 dhe 17 shtator do të luajnë në kinemanë verore "Orfeu" - Plovdiv dhe në Teatrin Veror në Ruse. Kështu, pas koncertit të tyre super të suksesshëm kushtuar përvjetorit të grupit në sallën Nr. 1 të Pallatit Kombëtar të Kulturës (NDK) vjeshtën e kaluar, muzikantët do të sjellin rock and rolli-n dhe emocionet në skenat e hapura anembanë vendit.

Kënga “Klisheja” është shumë personale, siç është edhe videoklipi, në të cilin përveç muzikantëve merr pjesë edhe familja e frontmenit të grupit. Është një vizion elegant retro që ju ofrojmë të shikoni”:

Përgatiti në shqip: Vesella Mançeva


Последвайте ни и в Google News Showcase, за да научите най-важното от деня!

Më shumë nga rubrika

Një këngë e përjetshme bullgare në një version të ri

Në fund të qershorit, kur gjithnjë e më shumë e ndiejmë erën e detit, një ekip brezash të ndryshëm ringjallën në një version të ri një këngë nga e kaluara e afërt me titullin - "Erë deti". Në fund të vitit të kaluar, Kalina Batkova, e njohur me emrin..

botuar më 24-07-02 8.10.PD
Foto: Facebook / Xhaz nën yjet Pllaja Devetashko

"Xhazi nën yjet" në Pllajën Devetashko vazhdon deri të dielën

Mbrëmjen e sotme në fshatin Kërpaçevo, rajoni i qytetit Lloveç, hapet festivali i dhjetë “Xhazi nën yjet e Pllajës Devetashko”, i cili vazhdon deri të dielën. Festivali mbledh muzikantë të njohur bullgarë në skenën e hapur të livadhit pranë shpellës..

botuar më 24-06-28 6.38.MD

“Njeriu më i lumtur” nis “Turneun më të lumtur”

Këngëtari në zë Grafa më 28 qershor nis “Turneun më të lumtur” me një koncert në Teatrin Veror në qytetin Stara Zagora. Në thelbin e turneut të madh veror të Vlladi Ampov – Grafa, është koncepti i koncertit të tij spektakolar në Stadiumin Kombëtar..

botuar më 24-06-28 1.15.MD