Pyetjes së një gazetari se pse në muajt e fundit çmimi i mishit të derrit u rrit me 7.5% sipas të dhënave të Ministrisë së Ekonomisë, ministri i bujqësisë Kirill Vëtev përjashtoi mundësinë e spekulimeve dhe tha se një rritje e tillë e çmimit është tipike për sezonin e verës dhe lidhet me kostot e blegtorëve. Veç kësaj, mbivendosen efektet e krizës së COVID, si dhe rritja e çmimeve të karburanteve, energjisë elektrike dhe ushqimit për kafshët për shkak të luftës në Ukrainë. Sipas tij, një problem më i madh me të cilin ballafaqohet bujqësia është se fermerët ndërpresin punën në ferma ose i likuidojnë ato për shkak të mosrentabilitetit dhe shkojnë jashtë vendit. Bujqësia dhe ushqimi duhet të bëhen sektor prioritar për vendin për të ndalur daljen e njerëzve, mendon ministri. Në këtë drejtim, Ministria filloi një sërë këshillash konsultativë, qëllimi i të cilave është përmirësimi i ndërveprimit ndërmjet pjesëmarrësve në zinxhirin agro-ushqimor nga terreni në dyqan dhe rritja e prezencës së produkteve bullgare në tryezën tonë.