Nëfshatin e vogël Staro Zhelezare hapi dyert Muzeu i parë Rural i Artit të Rrugës në botë. Ekspozita përfshin panele shumëngjyrëshe me foto origjinale të realizuara gjatë festivaleve Street Art në Staro Zhelezare nga viti 2013 e deri më tani.
Ideja i përket një familjeje piktorësh bullgaro-polake, të cilët prej vitesh pikturojnë muret e bardha të fshatit, së bashku me nxënësit e tyre. Venci dhe Katarzhina Pirjankovi jetojnë në Poznan. Aty kanë një shkollë vizatimi për studentët e ardhshëm dhe verën ekalojnë në Staro Zhelezare, ku Venci ka një pronë trashëgimore. Me kalimin e kohës, familja artistike e ktheu shtëpinë e tyre në fshatin e malit SrednaGora në një kamp krijues ku ftojnë nxënësit e tyre. Çdo verë, piktorë të rinj polakë mbërrijnë këtu për të krijuar dhe materializuar imagjinatën e tyre mbimret e fshatit. Falë tyre, 10 vjet më parë, Staro Zhelezare u shfaq në hartën turistike të Bullgarisë dhe tani, së bashku me Muzeun e parë Rural të Artit të Rrugës, është gati të fitojë famë botërore.
Lexoni më shumë:
“Këtë vit vendosëm të bëjmë një muze të artit të rrugës. Ne donim që ajo që ndodhi në 10 vitet e fundit të përqendrohej në një vend – shumë foto nga jeta e fshatit, nga vitet e para këtu dhe nga të gjitha veprimet që lidhen me artin”, tha për BTA Katarzhina Pirjankova.
Piktorët vizatojnë me bojëra akrilike dhe llak. Në muret e Staro Zhelezares marrin jetë imazhe të personazheve të njohur - muzikantë, aktorë, shkencëtarë, personazhe publike, politikanë... Për shembull, në një vepër shfaqen mbretëresha Elizabeta II me gjyshen Velika dhe Ivani me Barak Obama. Tema e këtij viti është “Udhëtimet e famshme dhe të dashura”. Mysafirët e fshatit Staro Zhelezare mund të shohin veprat më të fundit të nëntë piktorëve polakë që portretizuan personazhe nga filmat aventureske. Duke kaluar nëpër rrugët e fshatitnga muret e shtëpive dhe oborreve “përgjojnë”, Indiana Xhouns, Xhak Sparrou dhe Forest Gëmp, të ulur në një stol me një gjyshe bullgare.
“Për ne, ky është një art i angazhuar shoqëror – i lidhur me të vërtetë me njerëzit dhe iu drejtuar atyre”, thotë Katarzhina Pirjankova për BTA. Sipas saj, ajo sjell buzëqeshje, jep tema për reflektim për jetën - çfarë është e rëndësishme në të dhe çfarë na bën të lumtur.
Përpiluese: Veneta Nikolova
Përgatiti në shqip: Svetllana Dimitrova
Foto: BTASipas hulumtimit të Institutit Kombëtar të Statistikave për vitin 2023 mbi 88% e familjeve në Bullgari kanë akses të vazhdueshëm në internet. Shumica e përdoruesve përdorin në mënyrë aktive rrjetin online çdo ditë, ndërsa mbi 95% e tyre janë gjithashtu..
Riparimi i shumëpritur në shkallë të gjerë dhe restaurimi i pamjes dhe funksioneve origjinale të ndërtesës të njohur si " Halite " në Sofje tani ka përfunduar. Vizitorët e parë do të mund të hyjnë dhe të blejnë atje më 23 maj. Kjo u raportua për..
Në Muzeun Arkeologjik në Burgas (Blvd. "Aleko Bogoridi" 21) u hap ekspozita "Thesari i Artë i Panagjurishtes". Kopja muzeale e thesarit më të famshëm bullgar është kthyer së fundmi nga një vizitë në Dubai dhe tani është e ekspozuar në sallën "Tresor" të..
Sipas hulumtimit të Institutit Kombëtar të Statistikave për vitin 2023 mbi 88% e familjeve në Bullgari kanë akses të vazhdueshëm në internet. Shumica e..
Arkeologët zbuluan gjetje të jashtëzakonshme gjatë gërmimeve për një stacion të ri autobusi në qytetin Sozopol të Detit të Zi. U zbulua një manastir..
Të tre mediat publike shpallën një nismë të përbashkët - "14 shekujt e Bullgarisë në Evropë". BNT, BNR dhe BTA do të krijojnë një Komitet Iniciator për..