Kandidati për kryetar bashkie të Sofjes nga “Po e vazhdojmë ndryshimin-Bullgaria Demokratike-Shpëto Sofjen” Vasill Terziev ka mbështetjen e 32,9% në kryeqytet. Anton Hekimjan i nominuar nga GERB-SDS ka 22.9%, Vanja Grigorova e mbështetur nga Partia Socialiste Bullgare (BSP) ka 20.8%.

• Kandidati i PP-DB për kryetar të kryeqytetit është me 10% përpara kundërshtarit të tij nga GERB

Studimi përfaqësues është i agjencisë “Sova Harris”. Është porositur nga agjencia “PIK” dhe është mbajtur në periudhën 16-20 tetor. Marzhi i gabimit është 3.1 për qind. Kandidati i “Vëzrazhdane” Dijan Nikollov ka përkrahje prej 13,1%. Vili Lillkov, i propozuar nga koalicioni “Sofja Blu” ka 4 për qind. Vetëm 53,2% e qytetarëve të rritur të Sofjes janë të interesuar për zgjedhjet dhe i konsiderojnë ato të rëndësishme. Për 31.8%, vota nuk meriton vëmendje. 14.4% hezitojnë të votojnë. 42% do të votojnë, vë në dukje sondazhi.