SHBA po përgatit një strategji për Detin e Zi. Ky është një vazhdimësi e Ligjit të Detit të Zi të një viti më parë dhe pjesë e buxhetit të mbrojtjes së SHBA-së. Këtë e tha para BNR ambasadori i Bullgarisë në SHBA, Georgi Panajotov. Sipas tij, kjo tregon rëndësinë e rajonit.

“Ky nuk do të jetë një dokument publik. Bëhet fjalë për një angazhim të përforcuar të Shteteve të Bashkuara ndaj të gjitha vendeve që kanë akses në Detin e Zi: siguri energjetike, infrastrukturë, tregti dhe investime, mbështetje për forcimin e institucioneve demokratike, luftim të korrupsionit. Rëndësia e Detit të Zi po rritet. Vlerësimi i SHBA-së, i NATO-së është se nëse Ukraina mposhtet, do të jetë fundi i sistemit të sigurisë siç e njohim ne", tha Panajotov. Ai theksoi se Bullgaria duhet të investojë në mbrojtje për të modernizuar forcat e veta të armatosura.