Lideri i GERB-SDS-së, Bojko Borisov, konfirmoi se koalicioni do të negociojë me partinë "Ka një popull të tillë" (ITN), e cila mori mandatin e tretë për formimin e qeverisë. Megjithatë, ai ka sqaruar se deputetët e tij nuk do të votojnë për një kabinet brenda këtij parlamenti.
“Ne kemi një program që do ta hedhim në tavolinë, tashmë kemi zhvilluar bisedime me ta në mandatin e parë. Besoj se këto biseda janë të dobishme, sepse do të na mësonin mençurinë për pas zgjedhjeve”, tha Bojko Borisov.
Me rastin e përfshirjes së emrit të kryetares së Kuvendit, Raja Nazarjan, nga bashkëkryetari i Lëvizjes për të Drejta dhe Liri (DPS), Deljan Peevski, për grusht shteti të gatshëm, lideri i partisë komentoi se kjo do të nënkuptonte një shumicë të re para zgjedhjeve dhe një GERB shumë të zemëruar.
Kryetari i Asamblesë Kombëtare është ndër personat e specifikuar në amendamentet e Kushtetutës që mund të mbajnë postin e ushtruesit të detyrës së kryeministrit në rast se nuk mund të zgjidhet një qeveri e rregullt.
Ndërkohë Partia Socialiste Bullgare (BSP) dhe ITN gjetën ngjashmëri në pikëpamjet dhe temat e konsultimeve të organizuara nga ITN me rastin e mandatit të tretë për formimin e qeverisë. "Kuptimi i përgjithshëm i një kabineti të rregullt po na udhëheq në bisedime, pasi nuk është normale të shkosh në zgjedhje të parakohshme parlamentare gjashtë herë në 3 vjet," tha Borisllav Gucanov, kryetar i grupit parlamentar të së majtës.
"Deri më sot, në total, tashmë kemi 66 përfaqësues të popullit, ose forcën e parë politike në këtë parlament që duan të punojnë menjëherë për shoqërinë," tha Stanisllav Ballabanov nga ITN. Ai rekomandoi liderët e tjerë politikë që në ditët në vijim të mendojnë më me përgjegjësi për të ardhmen.
“Në përgjithësi kemi të njëjtat synime për formimin e kabinetit, barra tani duket se bie mbi supet e “Po e vazhdojmë ndryshimin-Bullgaria Demokratike” dhe GERB”, komentoi Toshko Jordanov, kryetar i grupit parlamentar të ITN.
Siguria kibernetike dhe përfshirja e Bullgarisë në programin amerikan për heqjen e vizave janë dy prioritete të qeverisë, të lidhura drejtpërdrejt me Drejtorinë kryesore për Luftën kundër Krimit të Organizuar, tha ministri i brendshëm Daniell Mitov gjatë..
Konsumatorët bullgarë detyrohen të paguajnë çmime të pajustifikueshme të larta për mallrat bazë dhe në të njëjtën kohë dëmtohen prodhuesit dhe përpunuesit e ushqimit. Shoqata e Kapitalit Industrial në Bullgari dhe Shoqata Kombëtare e Përpunuesve të..
Pak më shumë se 110 milionë euro do të kushtojë riparimi urgjent i aeroportit “Graf Ignatievo”. Kontratat për riparimet janë me katër kompani, të cilat Ministria e Mbrojtjes i shpalli publikisht. Sipas ministrit të mbrojtjes Atanas Zaprjanov, vonesa në..
Paga mesatare më e lartë në Bullgari është në qytetin e Sofjes - 3388 leva /1732 euro/, dhe më e ulëta është në Smoljan - 1617 leva /826 euro/. Kështu..
Komisioni për Mbrojtjen e Konkurrencës ka kërkuar informacion nga prodhuesit dhe tregtarët e produkteve ushqimore më të shitura për të përcaktuar mënyrën e..
Bashkëkryetari i “Po e vazhdojmë ndryshimin” (PP) Kirill Petkov do të shkojë në gjykatë për arrestimin e liderit të GERB, Bojko Borisov, më 17 mars 2022...