Kreu i shtetit Rumen Radev bisedoi në telefon me presidentin e Izraelit, Ichak Hercog, njoftoi zyra e shtypit e kreut të shtetit. U diskutuan aspekte të situatës së sigurisë në Lindjen e Mesme, mundësitë për deeskalim të konfliktit ushtarak në rajon, si dhe çështje humanitare, thuhet në njoftim. Bisedimet u zhvilluan me iniciativën e kreut të shtetit izraelit. Dy presidentët folën në telefon edhe në fillim të prillit, kujton BTA. Bullgaria mbështet dhe është pjesë e përpjekjeve ndërkombëtare për të pushuar zjarrin, për të liruar pengjet, për të rivendosur dialogun dhe për të gjetur një zgjidhje paqësore të konfliktit në Rripin e Gazës sa më shpejt të jetë e mundur, tha atëherë presidenti Rumen Radev.