Radioja Kombëtare Bullgare © 2020 Të gjitha të drejtat janë të rezervuara

Aktualitete për të huajt në Bullgari me dyshime për Covid-19

Nëse shtetasit e huaj të cilët banojnë përkohësisht në vendin tonë, ndiejnë simptoma, të cilat u përngjajnë infektimit të koronavirusit, do të marrin një ndihmë të menjëhershme mjekësore, bindin nga Inspektorati Shëndetësor Rajonal i kryeqytetit. Njerëzit me një çrregullsi dhe sëmundje të ngjashme mund t'i drejtohen çdo një spitali.  

“Këta të cilët vijnë nga shtetet anëtare të Bashkimit Evropian, duhet të kenë me vete një kartë shëndetësore evropiane - sqaron doktoresha Irina Gajtanevska nga Inspektorati Shëndetësor Rajonal në Sofje. Përmes saj ata do të marrin një shërbim mjekësor i cili i takon çdo një qytetari të Bashkimit Evropian. Të gjithë njerëzit e tjerë është e domosdoshme që të lidhen me Inspektoratin Shëndetësor Rajonal përkatës, ku do t’i ndihmojnë”. 

Irina Gajtanevska

Uebfaqet e Ministrisë së Shëndetësisë, inspektimet shëndetësore rajonale dhe të institucioneve të tjera shtetërore po kështu përmbajnë informatë, e cila mund të jetë e dobishme për të huajt me simptoma të Covid-19, mirëpo ajo është kryesisht në gjuhën bullgare gjë që e bënë të vështirë për qasje nga të huajit.

Sipas fjalëve të doktoreshës, në spitalet nuk bëhet dallim midis qytetarëve bullgarë dhe të huaj dhe që të gjithë marrin një ndihmë mjekësore adekuate për gjendjen e tyre, pavarësisht nga situata e ndërlikuar epidemike dhe mungesa e pritur e shtretërve.  

Në ndryshim nga të huajt, të cilët direkt kthehen ndaj spitaleve, bullgarët me dyshime për koronavirus më përpara duhet të lidhen me mjekun e tyre personal. Pikërisht ai vendos nëse t’i drejtojë drejt ndonjë spital ose t’u rekomandojë të mbeten në shtëpi. Por, në qoftë se  gjithsesi kanë nevojë  nga një kujdes të mëtejshëm mjekësor, ata do të shpien në Qendrën Koordinuese të Spitalit Infektiv të kryeqytetit, i cili ekziston që prej 2 muajve.

“Ky është vendi, i cili pranon që të gjithë pacientët e transportuar nga Qendra e Urgjencës Mjekësore me infektim të dyshuar me koronavirus në ekzaminimin fillestare në shtëpi - thotë akoma doktoresha Irina Gajtanevska në një intervistë për Radio Bullgarinë. Aty ata ekzaminohen plotësisht, u bëhet një anamnezë më e hollësishme dhe gjatë një domosdoshmërie bëhen analiza të mëtejshme. Në qoftë se njeriu i caktuar ka nevojë për hospitalizim, ai shkon në spitalin përkatës, në të cilin do të marrë kujdesin më të drejtë mjekësor. Por, po të duhet të mbetet nën një shërim në kushte shtëpie, do të ndiqet nga mjeku i përgjithshëm praktikues”.  

Kur ndonjë mjek në qendrën koordinatave vendos, se është mirë që pacientit t’i bëhet një PSR test, ai është falas. “Por, ky nuk është laborator, në të cilin secili mundet me dëshirë të shkoj dhe të bëj analizën për korona virusin”, nënvizon doktoresha Irina Gajtanevska.

Të gjithë shtetasit – bullgarë dhe të huaj, mund të bëjnë PCR teste me dëshirë të vet me çmim mesatar nga 120 leva dhe një test të shpejtë për ekzistencën e antitrupave për koronavirus për afro 30 leva në laboratorët e licencuar në territorin e vendit. Me urdhër nga 21 tetori 2020 ministri i shëndetësisë caktoi 65 institucione mjekësore, shëndetësore dhe inspektime rajonale shëndetësore për ekzaminimin e specializuar mjekësor diagnostikues “Reaksion zinxhir polimerazë për zbulimin e Covid-19”. Ata janë në Sofje, Varna, Stara Zagora, Burgas, Pllovdiv, Pleven, Kërxhali, Razgrad, Ruse, Vraça, Silistra, Haskovo, Pernik, Veliko Tërnovo, Asenovgrad, Petriç, Montana, Sliven, Gabrovo, Shumen, Bllagoevgrad, Goce Dellçev, Panagjurishte.


Përgatiti në shqip: Nataniela Vasileva

Foto: BTA dhe Inspektorati Shëndetësor Rajonal

Më shumë nga rubrika

U nënshkruan dy marrëveshje për zbatimin e projekteve në përkrahje të organizatave të bashkësive bullgare me vetëdije bullgare

Ambasadori bullgar në Kosovë Hristo Guxhev nënshkroi dy marrëveshje për zbatimin e projekteve në përkrahje të organizatave të bashkësive bullgare me vetëdije bullgare. Ato do të zbatohen nga dy organizata joqeveritare – “Bullgarë të Bashkuar në..

botuar më 20-11-27 7.40.MD

450 leva /230 euro/ mesatarisht pritet që të harxhojnë bullgarët në ditën e të premtes së zezë

Kalimi i orëve sa më të gjata përpara kompjuterit ose pajisjes mobile, padyshim që çon deri në një ndryshim të zakoneve të shumta të krijuara në jetën e përditshme. Mes tyre kuptohet është dhe pazari, të cilin ne e realizojmë gjithnjë e më shumë online,..

botuar më 20-11-27 7.15.PD

“Nata e Shkencëtarëve” në një format online dhe me një mundësi të zgjeruar për të marrë pjesë

Institucione arsimore nga 25 vendbanime në vend, mes të cilave Sofja, Plovdivi, Stara Zagora, Ruse, Varna, marrin pjesë në programin e sivjetshëm të “Natës Evropiane të shkencëtarëve” 2020. Për shkak të pandemisë botërore nga Covid-19, ngjarja do të..

botuar më 20-11-27 5.25.PD