Radioja Kombëtare Bullgare © 2021 Të gjitha të drejtat janë të rezervuara

Bullgaria është gati të vazhdojë bisedimet me Shkupin mbi çështjet e diskutueshme

Ekaterina Zaharieva dhe Vllado Buçkovski
Foto: BGNES

Bullgaria është gati për të vazhduar bisedimet me Maqedoninë e Veriut për të kërkuar zgjidhje afatgjatë të çështjeve të diskutueshme, e cila të lejojë që Shkupi të hapë negociatat për anëtarësi në BE. Këtë e tha Zëvendës Kryeministrja Ekaterina Zaharieva pas bisedimeve me të dërguarin special të Shkupit për Bullgarinë Vllado Buçkovski gjatë vizitës së tij të parë zyrtare në Bullgari pasi u emërua në këtë post. Buçkovski shprehu gatishmërinë e Shkupit të kontribuojë për gjetjen e zgjidhjes së përbashkët.

Para kësaj miku maqedonas shqyrtoi çështjet e diskutueshme me Zëvendës Kryeministrin Krasimir Karakaçanov. Buçkovski shprehu qëndrimin e Maqedonisë së Veriut se dialogu duhet të vazhdojë dhe se toni miqësor është mënyra e vetme për arritjen e mirëkuptimit.

Karakaçanov shprehu kënaqësi nga dëshira e shprehur, por rikujtoi, se retorika antibullgare vazhdon. Ai tha, se në Maqedoninë e Veriut ka njerëz të cilët vet caktohen si bullgar dhe kjo e drejta e tyre nuk mund të mohohet. Karakaçanov theksoi gjithashtu se populli bullgar nuk do të pranojë asnjë kompromis me faktet historike.