Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Me protesta, kërkesa për rritjen e pagave dhe pakënaqësi bullgarët mirëpresin vendosjen e certifikatës së gjelbër

Foto: БГНЕС

Që nga 21 tetori Bullgaria bashkohet me vendet evropiane, në të cilat certifikata e gjelbër hap dyert drejt institucioneve kulturore, objekteve të mëdha tregtare, sallave sportive, restoranteve. Dhe përderisa vazhdojmë të jemi në krye të klasifikimeve botërore të vdekshmërisë nga Covid-19, ndërsa në repartet e përmbushura spitalore gjithnjë e më shumë bullgarë marrin frymë me ndihmën e një aparati, në rrugët dolën të pakënaqur me masat të cilat nuk u lënë atyre shumë zgjedhje.

Diskriminim, gjenocid, thirrje për rebelim – me këtë arsenal verbal presin certifikatën e gjelbër gjysma e qytetarëve të anketuar në Burgas.

Ne që nuk jemi të vaksinuar jemi si dele të zeza. Unë nuk do të bëj asgjë, thjesht do të ulem dhe do të pres që të kalojë - në Bullgari gjithçka kalon”, tha një nga të anketuarit.

Në polin tjetër është opinioni:

“U vaksinova kur mendova se ishte koha e duhur për mua. Unë mendoj se secili duhet të mbajë përgjegjësinë e vet. Kjo është mënyra për t’u marrë me pandeminë.”

Një nga pyetjet e nxehta me të cilat fillon ditën e parë të kufizimeve të reja është nëse do të ketë mjekë të mjaftueshëm në spitale pasi certifikata e gjelbër bëhet e detyrueshme për ta.

“Para se të shpallim masat bëmë një analizë se ku do të punojnë – përgjigjet Zëvendës Ministri teknik i Shëndetësisë Aleksandër Zllatanov. – Pjesa e madhe e mjekëve – nja 60-70 për qind tashmë u imunizuan, ndërsa të tjerët do të testohen së pari. Në shtëpitë sociale, ne do të jemi pa kompromis sepse të moshuarit janë të prekshëm dhe mënyra e vetme që ata mund të infektohen është duke futur koronavirusin nga jashtë. Më pak se 50 për qind nga të punësuarit aty janë të vaksinuar, prandaj do të testohen dy herë në javë. Për mësuesit hoqëm dorë nga certifikata e gjelbër, sepse Ministri i Arsimit kërkoi shtyrje për dy javë. Gjatë kësaj periudhe ata mund të vaksinohen, dhe parashikohet që fëmijët të vazhdojnë me mësimin online. Tani përafërsisht 50 për qind e pedagogëve janë të imunizuar.

Aleksandër Zllatanov

Aplikimi i certifikatës së gjelbër tekstualisht për më pak se 48 orë nga dalja e urdhrit ministror la shumë biznese dhe institucione në një tronditje. Në disa bashki, ku numri i të sëmurëve tejkalon 750 në 100 000 veta mbi bazë 14 ditore, duke përfshirë kryeqytetin Sofje, që nga 21 tetori të gjitha shkollat mësojnë nga distanca.

Personel mjekësor urgjentisht doli për të protestuar me kërkesën për rritjen e rrogave me 40 për qind, universitetet u përballën me faktin se në salla gjysmë të zbrazëta për të trajnuar disa studentë të vaksinuar ose të kaluar sëmundjen, dhe institucionet kulturore për të përshtatur dhomat për testimin e shpejtë të spektatorëve.

Masat dhe kufizimet e reja janë të mira, por nuk janë me kohë – mendon Prof. Radka Argirova, kryetare e Shoqatës Bullgare të Virologjisë Mjekësore. -  E gjithë kjo duhej të ndodhte në verë dhe situata të mos qetësohej në asnjë mënyrë. Dhe nëse do të ishte bërë atëherë, ne do të ishim shumë më të lirë. Tani pritet që të ulet numri i personave të infektuar.”

Prof. Radka Argirova

Si gjithmonë të parë në pakënaqësinë ishin pronarët e restoranteve dhe klubeve të natës. Shoqata e Lokaleve në Bullgari dhe Asociacioni Bullgar i Lokaleve po përgatitin një protestë masiv.

Urdhri është i papranueshëm, sepse ne u pajtuam të punojnë në kushtet e një certifikate të gjelbër vetëm në se shteti si punëdhënës i pari vaksinon nëpunësit e tij – thekson Krëstina Mirkova nga Shoqata e Lokaleve në Bullgari. – Ne punojmë vetëm me 20 për qind të popullsisë, dhe kjo do të thotë se 80 për qind e kapacitetit tonë është i kufizuar. Është absolutisht e pamundur që në kushte të tilla të paguhen qira, sigurime. Çmimi në rritje i korrentit ndërlikon situatën suplementarisht, të gjitha produktet dhe lëndët e para po shtrenjtohen.”

Në këtë kaos të parashikuar, forcat politike kërkojnë dorëheqjen e ministrit të shëndetësisë, të tjerët po mbështeten në retorikën rebele me synimin për të rritur disa përqindje në zgjedhjet e ardhshme, përderisa gjithnjë e më shumë njerëz po rrinë në radhë para laboratorëve të vaksinave në kërkim të çelësit që hap dyert.

Përpilues: Diana Cankova (sipas materialeve të BNR – “Horizont”, Burgas, Plovdiv, Vidin)

Përgatiti në shqip: Svetllana Dimitrova

Foto: BGNES


Последвайте ни и в Google News Showcase, за да научите най-важното от деня!

Më shumë nga rubrika

Çfarë parashikon buxheti i BE-së për vitin 2025

Lidhur me miratimin të mërkurën e kaluar të përbërjes së re të Komisionit Evropian, i cili zyrtarisht mori detyrën para disa ditësh, iu kushtua më pak vëmendje një ngjarjeje tjetër të rëndësishme të së njëjtës ditë - miratimit të buxhetit të Bashkimit..

botuar më 24-12-04 2.50.MD

Nxënës bullgarë janë të parët në një konkurs evropian të së drejtës ndërkombëtare

Ekipi i shkollës së mesme të dytë angleze në Sofje “Thomas Xhefersën” fitoi Konkursin e Gjashtë Evropian të Drejtësisë për nxënës, i cili u mbajt në Rumani, njoftoi Ministria e Arsimit. Në konkurs, nxënësit bëjnë një simulim të procesit gjyqësor mbi..

botuar më 24-12-03 12.41.MD

Dita e Antarktidës shënohet në Universitetin e Sofjes “Shën Kliment Ohridski”

Qendra Kombëtare për Kërkime Polare dhe Instituti Bullgar i Antarktidës organizojnë një takim ndërkombëtar me rastin e Ditës së Antarktidës. Më 3 dhjetor shënohen 65 vjet nga nënshkrimi i Traktatit të Antarktidës. Veprimtaria, që do të mbahet në..

botuar më 24-12-03 6.30.PD