Lidhur me tensionin mes Ukrainës dhe Rusisë, si rezultat i njohjes së pavarësisë së Doneckut dhe Luganskut, Kryeministri Kirill Petkov tha para gazetarëve në parlament se Bullgaria është një partnere shumë e qartë në Bashkimin Evropian dhe NATO. Ai sqaroi se vendi ynë solidarizohet me sanksionet, ndërsa po shqyrton opsionet për t'i siguruar vendit tonë burime energjetike. “Ne po vëzhgojmë interesin bullgar, por po punojmë së bashku me BE-në”, konfirmoi Petkov, duke shtuar se në rast krize me furnizimet e gazit, planifikohet ndalimi i eksportit të energjisë elektrike nga Bullgaria.

Ai gjithashtu theksoi se gazsjellësi që furnizon Bullgarinë furnizon edhe Serbinë dhe Hungarinë, partnerë strategjikë të Rusisë. Nga ana tjetër, Petkov kujtoi se është në kontakt të vazhdueshëm me homologun e tij grek Kiriakos Micotakis për ndërtimin e lidhjes së gazit.