“Nigeria është partneri tradicional tregtar dhe ekonomik i Bullgarisë në Afrikën në jug të Saharës.” Kështu deklaroi Ministrja e Punëve të Jashtme Teodora Gençovska para homologut të saj nigerian Joffrey Onieama, i cili ndodhet për vizitë zyrtare në Bullgari. Ajo theksoi mundësinë e zgjerimit të kontakteve dypalëshe në një sërë fushash.

Më pas, në takimin me Ministrin Onieama, Presidenti Rumen Radev theksoi mundësinë e bashkëpunimit me përfitim reciprok midis Bullgarisë dhe Nigerisë për të kapërcyer pasojat e luftës në Ukrainë, lidhur me pezullimin e furnizimeve energjetike nga Rusia për vendin tonë. Kreu i shtetit përshëndeti gatishmërinë e Nigerisë për të ndihmuar Bullgarinë në arritjen e diversifikimit të furnizimeve me gaz natyror dhe naftë.