Asen Vasilev, i nominuari për kryeministër nga “Po e vazhdojmë ndryshimin”, ia ktheu presidentit mandatin për formimin e kabinetit, duke u arsyetuar me mbështetjen e pamjaftueshme në Kuvendin Popullor. Nga ana e tij, kreu i shtetit Rumen Radev tha se javën e ardhshme do të njoftojë se kur do ta dorëzojë mandatin e dytë. Ai shtoi se pret që qeveria e dorëhequr të paraqesë në Kuvendin Popullor ligjet që kanë të bëjnë me Planin e Rimëkëmbjes dhe Zhvillimit në mënyrë që vendi ynë të mos humbasë kohë dhe para.

• Asen Vasilev e kthen mandatin për formimin e qeverisë
  

Ndërkohë, forca e dytë politike GERB konfirmoi se do të kthejë mandatin eksplorues. Nëse “Bullgaria Demokratike” merr mandatin e tretë, do të bëjë provë të formojë qeveri dhe për këtë do të negociojë edhe me ish-partnerin e koalicionit “Ka një popull të tillë”, tha deputeti Ivajllo Mirçev. BSP njoftoi gjithashtu se do të përpiqet të formojnë një kabinet.