Për momentin, mbulesa e borës në Pamporovo është më se 80 cm dhe pronarët e qendrave turistike gëzojnë klientët e tyre të shumtë, të cilët mbushin pistat e skive, hotelet dhe restorantet. Këtë vit, natyra u buzëqesh me dashamirësi vendpushimeve dimërore në malin Rodopa. Ndryshe nga qendrat e skive në pjesën tjetër të Bullgarisë dhe në të gjithë Evropën, në periudhën më kritike, kur temperaturat thuajse të verës i sollën ata që punonin në industri dhe dashamirësit e emocioneve të borës në prag të dëshpërimit, në Pamporovo ishte relativisht ftohtë, madje binte edhe borë. Falë kësaj, një pjesë e shpateve në vendpushim u mbuluan me borë, njoftuan nga Shoqata Aksionare “Pamporovo”. Kjo është edhe arsyeja që këtë vit shumë skiatorë zgjodhën resortin e malit Rodopa në vend të Alpeve. Kështu pushimorja bullgare u kthye në një nga më të kërkuarit në Evropë. Dhe tani, pas reshjeve të dendura të borës në të gjithë vendin, të gjitha pistat në Pamporovo tashmë janë duke punuar, pohon Kostadin Belenozov, ekspert i turizmit në komunën e qytetit Çepelare:
“Baza e hotelit në Pamporovo është pothuajse 80 për qind e zënë. Mbizotërojnë mysafirët nga Turqia dhe Irlanda, ka edhe shumë turistë bullgarë. Kushtet janë të shkëlqyera dhe të gjithë janë shumë të kënaqur. Kompleksi turistik e trajtoi më së miri situatën dhe e mori nën kontroll! Edhe pse nuk kishte borë në të gjithë vendin dhe në Evropë, kushtet për ski këtu ishin më të mirat në Bullgari. Edhe në momentet më kritike, pistat ishin gati për rrëshqitje, sepse ekipi i pushimores Pamporovo arriti të mbulonte mjaft pista me borë artificiale. Çmimet e biletave për teleferikët e skive, gjysmëditore dhe njëditore, janë me çmimet nga viti i kaluar dhe përgjithësisht lëvizin nga 52 deri në 85 leva.”
Pasi dimri më në fund u kthye në Bullgari, qyteti fqinj turistik Çepellare u mbush shpejt me skiatorë të etur për të arritur hapin. 90 për qind e turistëve këtu janë bullgarë. Për momentin punon të ashtuquajturën pista e kuqe e qendrës së skijimit “Meçi Çall” mbi qytet. Sëbi Madankov, kryetar i Shoqatës së Hotelierëve dhe Pronarëve të Restoranteve në Çepellare nuk e fsheh lehtësimin e tij:
“Bie shumë borë dhe tani ka kushte për ski. Qendra e skijimit “Meçi Çall” tashmë është duke punuar. E reja këtë vit është se bashkia financoi ndërtimin e një qendre skijimi për fëmijë, në vetë qytetin e Çepellares, me një mini tërheqje skish një korsi dhe shumë atraksione për fëmijë. Dhe gjëja më interesante është se e gjithë kjo do të jetë falas. Por për ne gjëja më e rëndësishme ishte të kishim kushte për ski. Në se ka kushte për ski, njerëzit po kthehen! Temperaturat ranë dhe mund të bëhet borë artificiale. Dhe sinoptikët premtuan se do të bjerë më shumë borë dhe më pas do të funksionojnë edhe pistat e tjera të “Meçi Çall”. Në zonë ka edhe pista për ski vrapim, për shëtitje me këpucë dëbore, etj. Tradicionalisht, në Çepellare sezoni është shumë i fortë në shkurt deri më 10 mars. Kështu që shpresojmë për rezultate të mira.”
Krahas qendrës së re të skijimit për fëmijë në zonën “Djortevoto”, Çepellare pret mysafirët dimëror me dy shtigje të reja turistike të shënuara. Njëra prej tyre fillon nga vetë qyteti dhe të çon në një mulli shekullor, dhe tjetra - nga stacioni i poshtëm i teleferikut “Meçi Çall” arrin në zonën "Jançovica”, ku u zbuluan gjurmët e banesës antike shpellore nga epoka e gurit dhe e bakrit. “Shtigjet janë të aksesueshme edhe në dimër, ato mund të përshkohen edhe në këmbë edhe me sajë”, thotë Madankov.
Përgatiti në ship: Svetllana Dimitrova
Foto: Facebook/pamporovo.me
Ofertat e pronave për pushime në Bullgari janë rritur me 30-40% në tre vitet e fundit. Aktualisht numri i tyre i kalon 20 mijë. Gjithnjë e më shumë klientë preferojnë të marrin me qira një apartament apo edhe një shtëpi të tërë gjatë pushimeve të..
Sofja raporton një rritje prej 7% të numrit të turistëve për gjysmën e parë të 2024. Rritja është 15% sipas bazës vjetore për vitin 2023, me trafik turistik madje mbi nivelet e para Covid-19. Këto të dhëna optimiste e kanë motivuar administratën e..
“Poezia në një shishe” - kështu e përcaktojnë njohësit varietetin emblematik të verës vendase “Mavrud”. Ajo karakterizohet me një ngjyrë të thellë rubin, si dhe nivele të larta të taninit dhe acideve. Në pijen legjendare bullgare mbizotërojnë..