Trumbetari i njohur, kompozitor, aranzhues dhe pedagog Mihaill Josifov mbledh muzikantë të rinj në projektin “Lajmet në xhaz”.Grupi do të prezantojë albumin e vet debutues “Emisioni i parë” me një seri koncertesh në 7 qytete të vendit.
Albumi “Emisioni i parë”, të cilin do ta prezantojnë Mihaill Josifov dhe grupi “Lajmet në xhaz”, përfshin 11 kompozime vokale dhe instrumentale prej autori. Pothuajse secili prej muzikantëve ka lënë gjurmën e tij personale në të. Vetëm dy nga kompozimet janë të Mihaill Josifov, nëntë të tjerat janë vepër e të rinjve të cilët ai i inkurajon dhe i mbështet në krijimin e muzikës origjinale.
“Lajmet në xhaz” është një sekstet i përbërë prej muzikantëve të rinj dhe të talentuar, me dy vokale të jashtëzakonshme plotësuese - zërin diellor e të qeshur të Veleka Cankova dhe timbrin e fuqishëm e plot jetë të Llëçezar Kacarski.
Në grup, Mihill Josifov mbledh studentë të tij aktualë dhe të dikurshëm nga Akademia Kombëtare Muzikore “Prof. Panço Vlladigerov” për të krijuar së bashku një repertor të pasur me pjesë të gjinive të ndryshme muzikore, 11 prej të cilave janë edhe kompozime të bukura të autorit të përfshirë në albumin debutues “Emisioni i parë”.
Ju ofrojmë një nga këngët e përfshira në albumin debutues “Emisioni i parë” të formacionit të ri “Lajmet në xhaz”. Titulli “E pëlqeva një vashë” flet qartë për pasionit ndaj folklorit bullgar të autores së re të muzikës, tekstit dhe aranzhimit Kalina Andreeva.
Redaktore: Diljana Traçeva
Përgatiti në shqip: Svetllana Dimitrova
Foto: Facebook / Mihail Yossifov & The Jazz News
Sonte mbyllet sezoni i nëntë i Operës Verore "Skena e Shekujve" 2024, një forum i madh muzikor i Komunës së Veliko Tërnovës. Dy muajt e fundit u ofruan banorëve dhe vizitorëve të kryeqytetit të vjetër bullgar koncerte, shfaqje opere dhe baleti,..
Lyrra është pseudonimi artistik i këngëtares së re Ljubomira Pavllova. Para se të fillonte të performonte si artiste e pavarur, ajo fitoi famë nga pjesëmarrja e saj në formacionet e njohura folklorike, si "Misteri i zërave bullgarë", "Çinari",..
I riu Cvetelin Nakov është shumë i emocionuar duke na ofruar këngën e tij të parë "Mos ik". Në përputhje me stilin e tij emocial, Rafi Zhamakorcjan krijon një tingull dramatik me muzikë dhe aranzhim bazuar në poezinë e poetit të madh Damjan..
Toma Zdravkovin e njohim si një nga zërat më karakteristikë të rokut bullgar. Pas një periudhe të ngopur me pjesëmarrje në formate televizive, ai..