Radioja Kombëtare Bullgare © 2021 Të gjitha të drejtat janë të rezervuara

Ekspozita e parë virtuale turistike tek ne

Turizmi sot ose sesi mbijetohet në kohën e pandemisë

Foto: Veneta Nikollova

Zhdërvjelltësi, inovacione dhe siguria janë ndër parakushtet për mbijetesën e biznesit turistik në kushtet e pandemisë – janë unanim pjesëmarrësit në ekspozitën e parë virtuale turistike në Bullgari. Që prej disa ditësh secili ka qasje falas online në internet me ofertat aktuale për pushim në çdo pikë të botës nëpërmjet platformës së veprimtarisë HOLIDAY&SPA / VirtualShow. Ajo do të mbetet aktive deri në mesin e muajit shkurt, premtojnë organizatorët. Ekspozita starton me më se 90 oferta aktuale për 50 destinacione në Bullgari dhe jashtë shtetit.

Në kuadrin e iniciativës online zhvillohen edhe një sërë diskutimesh të përfaqësuesve të degës turistike. Si kjo industri të ruajë konkurrencën e vet në një plan afatgjatë, roli i teknologjive në planifikimin e udhëtimeve, sa të rëndësishme janë për turistët faturat e paguara për anulimin, rimbursimin ose ndryshimin e datave të qëndrimit në kohën aktuale të pasigurisë? Ato dhe pyetje të tjera preokupojnë të punësuarit në një nga sektorët më të prekura në plan botëror.

Sipas Vlladimir Nikovit nga Shoqata e Pronarëve të Hoteleve dhe Restoranteve në qytetin Velingrad, gjatë kësaj vere sipërmarrësit vendor iu shpresuan më tepër udhëtimeve individuale dhe ofertave për pushim në mes të natyrës. Dhe si e sheh ai e ardhmja e turizmit në kushtet e pandemisë?

“Nuk ka se kush të të tregojë se si e sheh të ardhmen. Në  se para një viti mund të parashikonim rezervacionet muaj të tërë më parë, tani nuk mund të përcaktojmë asgjë. Nuk e dimë se çfarë do të ndodhë, a do të arrijmë të plotësojmë bazën për pushimet dhe festat. Vallë, a mund të bëjmë parashikime në një kohë të tillë të pasigurt? Ne punojmë ditë për ditë. Kjo është një kohë në të cilën biznesi varet shumë pak nga njerëzit të cilët e bëjnë. Dhe në se shteti nuk do ta kuptojë këtë ka të ngjarë që humbjet të thellohen edhe më.”


Gjatë muajve të fundit siguria e udhëtimeve u kthye në faktorin më të rëndësishëm në zgjedhjen e destinacionit.

“Gjatë dy muajve të parë të gjendjes së jashtëzakonshme të gjithë u shtangën ishim të shokuar se çfarë të bënim sesi të vazhdonim – tregon kryetarja e bashkisë së qytetit Trojan Donka Mihajllova. – Sektori ishte në gjendje më të rëndë  në qershor kur kishte një zbaticë. Pas kësaj në korrik dhe në gushtë gradualisht arritëm të avancojmë. Në shtator edhe evidentuam një akomodim më të lartë në krahasim me vitin e kaluar. Për fat të keq etapa e dytë e re e krizës prapë vuri probleme serioze para turizmit. Tani sfidat e mëdha para neve janë në radhë të parë të mbajmë hotelet, restorantet dhe të gjithë njerëzit të angazhuar në turizëm. Me rëndësi është që në këtë moment të jemi shumë aktiv në tregjet turistike dhe më në veçanti – të ndryshojmë segmentin e shërbimeve të ofruara në mënyrë që të përmbushë pritjet dhe nevojat e turistëve në këto kushte të vështira.”

Përgatiti në shqip: Svetllana Dimitrova

Foto: Veneta Nikollova

Më shumë nga rubrika

Kriza me Covid-19 goditi rëndë dhe shtëpitë turistike

Pandemia me koronovirusin shkaktoi një kolaps të paparë në industrinë e turizmit, që siguron rreth 12% nga Produkti i Brendshëm Bruto të vendit. Ata të cilët punojnë në degë alarmojnë, se gjatë vitit të kaluar vizitorët dhe qarkullimi në shtëpitë e..

botuar më 21-01-25 12.28.MD

Varshava, Londra dhe Praga janë top destinacionet nga aeroporti Burgas

88 linja ajrore morën pasagjerë nga Aeroporti i Burgasit deri në 177 destinacione në vitin 2020. Kjo u deklarua nga aeroporti për Bgtourism.bg. Varshava, Londra dhe Praga ishin tre destinacionet më të dëshirueshme ndërkombëtare, përkatësisht me..

botuar më 21-01-25 10.45.PD

Ferma turistike do të propozojnë një pushim alternativ rreth qytetit Ballçik

Ndërtim i fermave turistike në rajonet midis zonave të urbanizuara dhe tokave bujqësore në Ballçik - kështu bashkia shpreson të tërheqë pushues në afërsi deri tek bregu i detit. Ideja është regjistruar në planin e ri për zhvillimin e saj deri në vitin..

botuar më 21-01-23 7.10.PD