Programi i ditës

Radioja Kombëtare Bullgare © 2021 Të gjitha të drejtat janë të rezervuara

Kirill Petkov dhe Asen Vasilev hyjnë në rolin e shpëtimtarëve

Një tjetër “parti ndryshimi” po shkon në zgjedhje

Foto: Ani Petrova

Për herë të parë në kuadrin e një viti bullgarët do të votojnë herën e tretë me radhë për një parlament të ri. Kjo imponohet pasi Legjislaturat e 45-të dhe 46-të të Kuvendit Popullor nuk arritën të formojnë një qeveri të rregullt. Paaftësia e formacioneve të deritanishme politike, me pozita mbi boshtin e kushtëzuar “parti të protestës” dhe “parti të status quo-së”, për të formuar një koalicion qeverisës, u bë shkak për krijimin e një lojtari të ri politik. Formacioni rreth ish ministrave të përkohshëm të financave dhe të ekonomisë Asen Vasilev dhe Kirill Petkov shkon në zgjedhjet më 14 nëntor me deklaratën, se ata janë gati të marrin kryqin e rëndë dhe të formojnë një qeveri koalicioni të ndryshimit në Kuvendin e ri Popullor.

Asen Vasilev

Mbetet e paqartë nëse partia e radhës e “shpëtimtarëve” në politikën bullgare do të mbetet vetëm një projekt dhe pas përmbushjes së misionit të vet do të mbledhë flamujt apo ka në të vërtetë plane afatgjata. Të flasësh për “ndryshimin” është e zakonshme për çdo protagonist politik, por nuk zbulon nëse të diplomuarit e Harvardit do të ndjekin politikën e majtë apo të djathtë. Ata me siguri do të mbështeten në popullizmin e sprovuar, pasi sipas fjalëve të Kirill Petkov ata “besojnë në mjetet e krahut të djathtë me të cilat arrihen qëllimet e krahut të majtë”. Në drejtim të popullizmit të së majtë, formacioni i ri do të përpiqet të tërheqë votuesit e hidhur nga BSP dhe koalicioni “Ngrihu BG! Ne po vijmë”. Si një ish-bashkëthemelues i “Po, Bullgaria”, Kirill Petkov pret të marrë vota nga “Bullgaria Demokratike”, dhe pse jo nga të zhgënjyerit nga partitë qendrore populliste si “Ka një popull të tillë” dhe GERB. Por këto janë vetëm hipoteza, përgjigjet e të cilave do t’i mësojmë më 14 nëntor.

Kirill Petkov

Është domethënëse se të ashtuquajturat “parti të protestës” demonstrojnë prirje të zhvillojnë dialog me forcën e re politike. “Ka një popull të tillë” nuk shqetësohet për shfaqjen e  një subjekti të ri politik, tha zëvendës kryetari i partisë Filip Stanev. Është tepër herët të flitet për partneritet, por shfaqja e një subjekti të ri politik është pozitive, sepse ofron “diçka ndryshe nga status quo-së”, tha Stanev.

Filip Stanev

“Ne nuk kemi asgjë për t’u shqetësuar. Në se do të  shfaqen projekte të tjera politike të cilat të punojnë në po këtë drejtim – të zgjerojnë periferinë e zgjedhësve të cilët mbështesin kauzat tona, ky mund të jetë vetëm një lajm i mirë për ne” – tha bashkëkryetari i “Bullgarisë Demokratike” Hristo Ivanov.

Hristo Ivanov

“Ne nuk jemi aspak të shqetësuar për një projekt të tillë. Për ne kjo është një përpjekje e Rumen Radevit të pastrojë terrenin nga partitë e dështuara të protestës dhe t’i zëvendësojë ato me një formacion të ri, i cili eventualisht të përpiqet të bëjë atë të cilën ata nuk arritën të bëjnë”, komentoi Toma Bikov nga GERB.

Toma Bikov

Lidhur me rolin e presidencës prapa subjektit të ri politik, udhëheqësi i Lëvizjes për të Drejtat dhe Liritë , Mustafa Karadajë tha: “Ne jemi ende një republikë parlamentare. Pluralizmi mbrohet nga Kushtetuta dhe Ligji për Partitë Politike.”

Mustafa Karadajë

Deri më tani, vetëm BSP u ankua jo zyrtarisht se në provincë ka përpjekje për të tërhequr strukturat dhe personelin e tyre në formacionin e ri.

Përgatiti në shqip: Svetllana Dimitrova

Foto: Ani Petrova, BGNES


Më shumë nga rubrika

Ngjarjet me adresë ballkanike

Rumania nominoi një veteran nga Iraku dhe Afganistani për kryeministër Presidenti rumun Klaus Johanis propozoi gjeneralin në pension Nikollae Çuka kryeministër të Rumanisë, transmetoi “Routers”. Kandidatura e re është një provë e..

botuar më 21-10-22 5.04.MD

Bullgaria pret inteligjencë dhe profesionalizëm nga shkencëtarët maqedonas

Komisioni i Përbashkët Bullgaro-Maqedonas për Çështje e Diskutueshme Historike takohet online më 21 dhe 22 tetor. Në takimin e 15-të, shkencëtarët do të diskutojnë përsëri temën për Mbretin Samuill dhe Goce Dellçev , tha për BGNES Prof. Angell..

botuar më 21-10-21 1.36.MD

Shqipëria është gati të fillojë bisedimet e pranimit në BE

Nuk ka asnjë shpjegim logjik se pse Shqipëria, e cila i ka përmbushur të gjitha kriteret dhe për të cilën ka unanimitet në Këshillin Evropian, të mos të fillojë bisedimet e anëtarësimit në BE. Kjo do të ishte një shenjë shumë pozitive për të gjithë..

botuar më 21-10-21 9.47.PD