Më shumë se 1000 raste me Covid raportohen çdo ditë në vend, paralajmëron Kryeinspektori Shtetëror Shëndetësor Doc. Angell Kunçev. Prandaj, ai do të propozojë që autoritetet të marrin masa sipas një plani të ri pandemik. Ndër to janë mbajtja e maskave, kufizimi i grumbullimit të shumë njerëzve në një vend. Masat pritet të hyjnë në fuqi më 18 korrik, tha Doc. Kunçev.

“Jemi në fillim të valës, por virusi përhapet mjaft shpejt dhe duhet të jemi gati për çdo situatë”, shtoi Kunçev. Sipas tij, numri i pacientëve është në rritje, por nuk ka shumë pacientë të shtruar në spitale. Nëse virusi vazhdon të përparojë si një sëmundje relativisht e lehtë, pasojat nuk do të jenë të rënda, beson eksperti.