“Bullgaria Demokratike” (DB) do të vendos nëse do ta mbështesë projekt-kabinetin e BSP-së pasi të mësohet se kush është kandidati për kryeministër, njoftoi bashkëkryetari i koalicionit Hristo Ivanov. Ai shtoi se pritshmëria është që mandati i tretë të shihet si i përbashkët dhe jo që dikush t'ia imponojë vizionin e tij ideologjik. I nominuari për kryeministër të jetë nga “Po e vazhdojmë ndryshimin” (PP), dhe qeverisja e mundshme e ardhshme të bazohet në programin tashmë të përgatitur, janë kërkesat e DB-së. Sipas Hristo Ivanovit, ka mundësi për një kabinet të ri nëse PP dhe “Ka një popull të tillë” i tejkalojnë dallimet e tyre.

“Bullgaria Demokratike” do të mbështesë kandidaturën e Ministrit të dorëhequr të Financave Asen Vasilev për kryeministër, si dhe të Ministrit të dorëhequr të Brendshëm Bojko Rashkov për të kryesuar komisionin kundër korrupsionit.