Lideri i GERB-it, Bojko Borisov, deklaroi se nuk ishte ai që propozoi që zëvendëskryetari i partisë Daniell Mitov të bëhet ushtrues detyre i ministrit të jashtëm. Sipas tij, Mitov me të vetëm u koordinua nëse do ta pranojë këtë post. “Nuk dua dhe nuk kam më përkushtim ndaj kësaj qeverie”, shtoi ai.
“Bisedimet e para ishin mes meje dhe Dimitër Gllavçevit, dhe unë jam gati ta marr postin”, tha Daniell Mitov, që u propozua për ministër të përkohshëm të jashtëm. Ai shtoi se mori mbështetje nga kreu i GERB-it, Bojko Borisov. Sipas deputetit, nëse zvarritet emërimi i ministrit të ardhshëm, përgatitjet për zgjedhjet jashtë vendit do të jenë në rrezik.
“Sipas Kushtetutës, Rumen Radev është i obliguar t’i nënshkruajë.” Kështu, bashkëkryetari i DPS-së, Deljan Peevski, iu përgjigj pyetjes së gazetarit se presidenti ende nuk ka nxjerrë dekret për emërimin e ministrave të propozuar të jashtëm dhe të bujqësisë. “Burrat e shtetit le të respektojnë besimin e popullit dhe të ndalojnë me këto lojëra”, kërkoi ai.
"Drama që rrethon ministrin e jashtëm në detyrë duhet t'i drejtohet plotësisht GERB-it dhe presidentit, të cilët qartazi nuk mund të arrijnë një marrëveshje," komentoi deputeti Daniell Llorer nga "Po e vazhdojmë ndryshimin - Bullgaria Demokratike" (PP-DB). Ai saktësoi se emërimet në kabinetin zyrtar nuk u koordinuan me PP-DB.
Në Ditën e Evropës , le të urojmë për një Bashkim Evropian që vazhdon të ndërtojë unitetin e tij mbi parimet e demokracisë dhe paqes. Kështu tha presidenti Rumen Radev pas vendosjes së luleve para monumentit të Luftëtarit të Panjohur me rastin e..
Gatishmërinë për të votuar më 9 qershor kanë deklaruar 40% e të anketuarve në një anketë përfaqësuese kombëtare nga agjencia “Alfa Research”. 35 për qind do të votojnë për Parlamentin Evropian, sepse shumë komunitete bullgare në vendet jashtë..
Për arsye shëndetësore, ambasadori bullgar në Rusi Atanas Krëstin nuk do të marrë pjesë në ceremoninë e inaugurimit të Vladimir Putin për mandatin e pestë presidencial, bëri të ditur një burim diplomatik për BNR. Më herët, shefi i politikës së jashtme..