Radioja Kombëtare Bullgare © 2021 Të gjitha të drejtat janë të rezervuara

Pothuajse 70 për qind nga hotelierët presin “një valë falimentimesh” deri në fund të vitit

Foto: arkiv

Asociacioni Bullgari i Profesionistëve në Menaxhimin e Hoteleve (Bulgarian Association of Hotel Executives BAHE) organizoi një sondash përfaqësues kombëtar në prag të zgjedhjeve parlamentare dhe në kushtet e mbylljes së pjesshme. Qëllimi ishte të përcaktohet gjendja reale e biznesit i cili është ndër sektorët më të prekur nga pandemia me Covid-19.

Siç pritej më se gjysma e hotelierëve të anketuar (ose 54.9 për qind) nuk janë optimist për perspektivën para biznesit të tyre gjatë 6 muajve të ardhshëm. Për më tepër – për shkak të mjedisit të pasigurt të biznesit dhe rrezikut të vazhdueshëm të ndalimeve të reja administrative që lidhen me përhapjen e Covid-19, shumë nga kuadrot e hoteleve fillojnë të riorientohen te biznese të tjera madje edhe në emigracion. 90.3 për qind nga të anketuarit presin mungesë serioze të kuadrove në hotelet në të ardhmen e afërt. Çuditërisht, megjithatë, në sfondin e këtyre të dhënave më shumë se 60 për qind e hotelierëve thonë se do të jenë në gjendje të mbajnë të paktën punonjësit e tyre kryesorë, një e katërta e të anketuarve nuk janë të bindur se do të përballen.


Me konsensus nga 79.3 për qind, hotelierët janë të mendimit, se masat qeveritare për përballimin e pandemisë janë “kaotike dhe të pasuksesshme” dhe vetëm 20.7 për qind i caktojnë si “pjesërisht të suksesshme”. Përveç kësaj 58.5 për qind nga hotelierët e anketuar janë kategorik, se programet për mbështetje të biznesit duke përfshirë edhe masën 60/40 aspak nuk mund të kompensojnë këtë rënie.


Për më tepër – një shqetësim të madh ngjall fakti, se 69.5 për qind e hotelierëve të anketuar presin “një valë falimentimesh” deri në fund të vitit. Këto shqetësime serioze duhet të ndizen si një dritë paralajmëruese në mendjen e pushtetarëve dhe veçanërisht të atyre në degën “Turizëm”, paralajmërojnë nga Asociacioni i Menaxherëve të Hoteleve.

Sondazhi tregon se 69.5 për qind e biznesit hotelier nuk pret ndonjë përmirësim të situatës. Kjo sipasorganizatorëve të sondazhit tregon pritje të ulura ndaj punës së qeverisë së ardhshme, por në të njëjtën kohë hap mundësi të mira, përmes hapave adekuat, qeveria pas zgjedhjeve të paraqesë surpriza të këndshme.

Pyetjes kur biznesi do të kthehet te nivelet para epidemisë, pjesa dërmuese e hotelierëve, 60 për qind, është më tepër pesimiste dhe përgjigjet se midis 3 dhe 5 vjet. 26.5 për qind e të anketuarve mendojnë se kjo mund të bëhet brenda 2 viteve, ndërsa rreth 10 për qind parashikojnë që rimëkëmbja të zgjasë të paktën 5 vjet.

Konkluzioni i Asociacionit Bullgari të Profesionistëve në Menaxhimin e Hoteleve

është se hotelierët do të bëjnë çmos për të mbajtur biznesin dhe nëpunësit, por në të njëjtën kohë presin nga pushteti ekzekutiv dhe legjislativ të jenë më të përkushtuar dhe të gatshëm për veprime vendimtare.

Redaktore: Veneta Nikollova

Përgatiti në shqip: Svetllana Dimitrova

Foto: arkiv, Pixabay


Më shumë nga rubrika

Marijana Nikollova

Mbeten çadrat dhe shezlongjet falas në plazh

Praktika për çadrat dhe shezlongjet falas nga viti i kaluar është e mirë dhe funksionon dhe do të zbatohet edhe këtë vit. Kjo u deklarua nga Zëvendëskryeministrja në dorëheqje Marijana Nikollova për bTV. Biznesi i detit tashmë po përgatitet për..

botuar më 21-04-15 12.18.MD

Turizmi u bëri thirrje pushtetarëve për masa të qarta për shpëtimin e sektorit

Dhoma e Turizmit në Varna i bëri thirrje qeverisë të marrë masa urgjente për të shpëtuar sektorin e turizmit në prag të festave të Pashkëve. Sipas kryetarit të dhomës, Ilin Dimitrov, rreth 30 000 njerëz nga menaxhimi i turizmit duhet të vaksinohen..

botuar më 21-04-12 3.32.MD

Çfarë dimë për qytetin e lashtë Kabile?

Qyteti i vetëm i madh nga koha e trakëve i ruajtur e deri më sot në Bullgari shtrihet nja dhjetë kilometra larg qytetit të sotëm Jamboll. Ndryshe nga shumë vendbanime të tjera nga kjo epokë, Kabile është shumë i ruajtur dhe i studiuar plotësisht nga..

botuar më 21-04-11 9.45.PD