Thellimi i dialogut parlamentar është premisa kryesore për zhvillimin e marrëdhënieve dypalëshe. Ky qëndrim i përbashkët u shpreh në takimin e Kryetarit të Kuvendit Popullor Nikolla Minçev me Presidentin e Shqipërisë Ilir Meta, i  cili është duke bërë një vizitë dyditore në Bullgari. Ilir Meta i cilësoi të shkëlqyera marrëdhëniet dypalëshe mes Bullgarisë dhe Shqipërisë dhe theksoi se kur marrëdhëniet në nivel parlamentar janë të mira, kjo ndikon në të gjitha fushat e bashkëpunimit të përbashkët. “Ne mbështesim Shqipërinë në procesin e saj të integrimit në BE dhe vlerësojmë përpjekjet e deritanishme të shtetit shqiptar në fushën e reformës në drejtësi”, tha Nikolla Minçev. Si një aspekt i rëndësishëm ai vuri në dukje edhe Ligjin për Mbrojtjen e Pakicave Kombëtare, i miratuar në vitin 2017. “Ne kemi marrëdhënie të mira në fushën e arsimit, shkencës dhe kulturës dhe në këtë drejtim Bullgaria ka dërguar një projekt-marrëveshje bashkëpunimi”, shtoi Minçev. Informacioni është i qendrës parlamentare të shtypit.

• Bullgaria mbështet Shqipërinë në fillimin e negociatave me BE-në
• Ka potencial të madh për zhvillimin e bashkëpunimit ekonomik midis Bullgarisë dhe Shqipërisë