Programi i ditës
Radioja Kombëtare Bullgare © 2022 Të gjitha të drejtat janë të rezervuara

Kryeministri hodhi poshtë ultimatumin rus për ndërprerjen e marrëdhënieve

| rinovuar më 22-07-01 4.10.MD
Kirill Petkov
Foto: Facebook/ Kiril Petkov

Zëvendëskryeministri dhe Ministër i Financave i dorëhequr Asen Vasilev do të jetë kandidat për kryeministër të “Po e vazhdojmë ndryshimin”. “Nuk do të lejojmë që Bullgaria të shkojë në drejtimin e gabuar dhe diplomatët e huaj të japin drejtimin”, tha Kryeministri i dorëhequr Kirill Petkov në një videomesazh në lidhje me krizën me dëbimin e 70 vetave nga personeli i Ambasadës ruse në Sofje.

Në Kuvendin Popullor Zëvendëskryeministrja e dorëhequr dhe lidere e BSP-së, Kornelija Ninova, kërkoi që për shkak të krizës, Kryeministri Petkov të japë dorëheqje menjëherë. Ajo nguli këmbë që Presidenti të shkarkojë kryetarin e Agjencisë Shtetërore të Sigurisë Kombëtare. Ninova këmbënguli që Parlamenti të marrë një vendim si organi më i lartë shtetëror, për kazusin me Rusinë.

Kërkesa u hodh poshtë nga GERB. Lideri i forcës kryesore opozitare, Bojko Borisov, tha se “GERB qëndron pas veprimeve të qeverisë së dorëhequr të Kirill Petkovit për dëbimin e diplomatëve dhe personelit teknik rus, pavarësisht nga mënyra joprofesionale në të cilën u krye”. Sipas Borisovit, kapitullimi tani ndaj ultimatumit të vendosur nga Ambasadorja ruse Eleonora Mitrofonova do të thotë heqje dorë nga sovraniteti. Kryetarja e grupit parlamentar GERB Desisllava Atanasova shtoi se përgjegjësia për skandalin diplomatik me Federatën Ruse i takon tërësisht kryeministrit të dorëhequr Kirill Petkov dhe “flet vetëm për një gjë – paaftësinë totale të Kirill Petkovit dhe qeverisë së tij për ta udhëhequr shtetin. Atanasova parashikoi se madje “Po e vazhdojmë ndryshimin të mbledhë 121 deputetë dhe të formojë një qeveri të dytë me kryeministrin Asen Vasilev, ajo do të jetë e paqëndrueshme dhe ndoshta nuk do të përballojë një votë tjetër mosbesimi.

Në mbështetje të vendimit të Petkovit, deputeti i “Bullgarisë Demokratike” Ivajllo Mirçev thejsoi për “Nova TV” se partia e tij ka arsye shumë serioze të shqetësohet se rrjeti rus i spiunazhit ka arritur në majat e shtetit. Mirçev ishte kategorik se janë marrë informacione jashtëzakonisht shqetësuese për ndikimin rus në Bullgari.


Më shumë nga rubrika

Një organizatë joqeveritare kërkoi garanci se nuk do të negocijohet me “Gazprom”

Shoqata civile BOEC dorëzoi Ministrisë së Energjetikës një kërkesë që Ministri në detyrë i Energjetikës Rosen Hristov të garantojë se nuk do të negociojë me “Gazprom” për furnizim me gaz. Sipas Georgi Georgiev nga shoqata, nuk ka garanci se edhe..

botuar më 22-08-12 7.36.MD

Nuk është ende e qartë në se do të negocijojmë me “Gazprom”

Rinovimi i mundshëm i negociatave me “Gazprom”-in do të varet nga vlerësimet që janë duke u përgatitur për momentin, njoftoi ushtruesi i detyrës së Ministrit të Energjetikës Rosen Hristov. “Nëse do të blejmë gaz nga “Gazprom” do të varet nëse të gjitha..

botuar më 22-08-12 6.47.MD

Parashikimi i motit për fundjavën

Të shtunën do të jetë me vranësira. Deri në mesditë mbi Bullgarinë Perëndimore, në orët e pasdites dhe në pjesën tjetër të vendit do të ketë reshje shiu, vende-vende intensive. Temperaturat maksimale do të jenë prej 24 deri në 29°, në Sofje rreth..

botuar më 22-08-12 5.50.MD