Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Kryeministri hodhi poshtë ultimatumin rus për ndërprerjen e marrëdhënieve

| rinovuar më 22-07-01 4.10.MD
Kirill Petkov
Foto: Facebook/ Kiril Petkov

Zëvendëskryeministri dhe Ministër i Financave i dorëhequr Asen Vasilev do të jetë kandidat për kryeministër të “Po e vazhdojmë ndryshimin”. “Nuk do të lejojmë që Bullgaria të shkojë në drejtimin e gabuar dhe diplomatët e huaj të japin drejtimin”, tha Kryeministri i dorëhequr Kirill Petkov në një videomesazh në lidhje me krizën me dëbimin e 70 vetave nga personeli i Ambasadës ruse në Sofje.

Në Kuvendin Popullor Zëvendëskryeministrja e dorëhequr dhe lidere e BSP-së, Kornelija Ninova, kërkoi që për shkak të krizës, Kryeministri Petkov të japë dorëheqje menjëherë. Ajo nguli këmbë që Presidenti të shkarkojë kryetarin e Agjencisë Shtetërore të Sigurisë Kombëtare. Ninova këmbënguli që Parlamenti të marrë një vendim si organi më i lartë shtetëror, për kazusin me Rusinë.

Kërkesa u hodh poshtë nga GERB. Lideri i forcës kryesore opozitare, Bojko Borisov, tha se “GERB qëndron pas veprimeve të qeverisë së dorëhequr të Kirill Petkovit për dëbimin e diplomatëve dhe personelit teknik rus, pavarësisht nga mënyra joprofesionale në të cilën u krye”. Sipas Borisovit, kapitullimi tani ndaj ultimatumit të vendosur nga Ambasadorja ruse Eleonora Mitrofonova do të thotë heqje dorë nga sovraniteti. Kryetarja e grupit parlamentar GERB Desisllava Atanasova shtoi se përgjegjësia për skandalin diplomatik me Federatën Ruse i takon tërësisht kryeministrit të dorëhequr Kirill Petkov dhe “flet vetëm për një gjë – paaftësinë totale të Kirill Petkovit dhe qeverisë së tij për ta udhëhequr shtetin. Atanasova parashikoi se madje “Po e vazhdojmë ndryshimin të mbledhë 121 deputetë dhe të formojë një qeveri të dytë me kryeministrin Asen Vasilev, ajo do të jetë e paqëndrueshme dhe ndoshta nuk do të përballojë një votë tjetër mosbesimi.

Në mbështetje të vendimit të Petkovit, deputeti i “Bullgarisë Demokratike” Ivajllo Mirçev thejsoi për “Nova TV” se partia e tij ka arsye shumë serioze të shqetësohet se rrjeti rus i spiunazhit ka arritur në majat e shtetit. Mirçev ishte kategorik se janë marrë informacione jashtëzakonisht shqetësuese për ndikimin rus në Bullgari.




Последвайте ни и в Google News Showcase, за да научите най-важното от деня!

Më shumë nga rubrika

Parashikimi i motit për 29 gushtin

Të enjten para mesditës, mbi Bullgarinë Lindore do të zhvillohen vranësira, ndërsa pas mesditës edhe në pjesën tjetër të vendit. Në shumë vende në Lludogorie dhe në rajonet malore do të ketë reshje të shkurtra, përkohësisht intensive të..

botuar më 24-08-28 7.35.MD

Pjesëmarrësit në një Konferencë Ndërkombëtare bënë thirrje përpara Ambasadës së Ukrainës për ndalimin e persekutimit kundër Kishës Ortodokse të Ukrainës

Të garantohet ndërprerja e shkeljes së rëndë të vlerave dhe lirive demokratike evropiane, në formën e shkeljes së të drejtave themelore të Kishës Ortodokse të Ukrainës, si dhe shfuqizimi i ligjit që e ndalon atë. Të tilla ishin thirrjet kryesore..

botuar më 24-08-28 4.22.MD

Market LINKS: GERB - forca udhëheqëse në parlamentin e ri, DPS - me potencial për të dytën

Nëse Lëvizja për të Drejta dhe Liri (DPS) do të shfaqej si parti monolite në zgjedhjet e ardhshme të jashtëzakonshme parlamentare të 27 tetorit, do të merrte 15.4% mbështetje nga votuesit. Forca e parë është sërish GERB me 21.9%. Këtë e tregojnë..

botuar më 24-08-28 2.31.MD