Programi i ditës
Radioja Kombëtare Bullgare © 2022 Të gjitha të drejtat janë të rezervuara

“Po e vazhdojmë ndryshimin” shpalli prioritetet e projekt-kabinetit të ri

Foto: BGNES

Parametrat e programit të projekt-kabinetit të Asen Vasilev nga “Po e vazhdojmë ndryshimin” u bënë të qarta. Ai përmban mbi 40 projektligje që duhet të miratohen në 6 muajt e ardhshëm. “Në mënyrë reale, një pjesë e madhe e tyre duhet të miratohen në 4 muajt e ardhshëm, nëse duam që Bullgaria të vazhdojë me ritmin me të cilin jemi aktualisht dhe të absorbohen miliarda euro që duhet të hyjnë në ekonominë bullgare”, tha Kryeministri në dorëheqje Kirill Petkov. Ndër detyrat urgjente janë reformat strukturore të parashikuara tashmë në marrëveshjen e koalicionit, Ligji për Komisionin për Luftimin e Korrupsionit dhe Konfiskimin e Pasurisë së Fituar në Mënyrë të Paligjshme dhe emërimi i Bojko Rashkov. “Bullgaria Demokratike” e cilësoi programin si të mirë dhe të fokusuar. BSP ka disa kundërshtime, prandaj vazhduan negociatat me “Po e vazhdojmë ndryshimin”.

Asen Vasilev tha se deri më tani nuk u diskutua për pozitat ministrore në qeverinë e re, këto bisedime pritet të zhvillohen të enjten më 7 korrik.