Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ambasadori i Federatës Ruse në Bullgari është kategorik se puna humanitare e ambasadës ruse duhet të vazhdojë

Eleonora Mitrofanova
Foto: rs.gov.ru

Ambasadorja e Rusisë në vendin tonë, Eleonora Mitrofanova shprehu shpresën se qeveria e ardhshme bullgare do të jetë më pragmatike se ajo aktuale. Në një intervistë për Agjencinë TASS të enjten, ajo deklaroi se Bullgaria është anëtare e BE-së dhe NATO-së, por e ka të vështirë të formojë linjën e saj të sjelljes”. Megjithatë, situata ekonomike do ta detyrojë vendin tonë të zërë një “qëndrim më pragmatike”. Në një intervistë tjetër për “Rusinë 24”,Mitrofanova kujtoi se marrëveshja me “Gazprom” është e vlefshme deri në fund të vitit dhe Bullgaria mund ta rinovojë kontratën nëse i plotëson kushtet për pagesë në rubla.

Në lidhje me reduktimin e stafit të Ambasadës ruse në Bullgari, për shkak të vendimit të kabinetit “Petkov” për dëbimin e 70 diplomatëve rusë, Mitrofanova thekson se situata është jashtëzakonisht e komplikuar, por Rusia nuk mund t’i kthejë shpinën marrëdhënieve me Bullgarinë.

“Këtu ka një numër të madh të bashkatdhetarëve tanë, një numër të madh të martesave të përziera, njerëz që pëlqejnë Rusinë - theksoi ambasadori rus në intervistë. - Prandaj, ne duhet të vazhdojmë të kryejmë punë humanitare pavarësisht nga të gjitha komplikimet”.

Sipas Eleonora Mitrofanova, Bullgaria është një nga vendet më të afërta sllave për Rusinë: “Këtu janë të varrosur 200 mijë ushtarë tanë që çliruan Bullgarinë. Bullgarët i trajtojnë me shumë kujdes monumentet e Luftës Ruso-Turke dhe të Luftës së Dytë Botërore, vërejmë vetëm raste të izoluara vandalizmi. Dhe, natyrisht, kujtimin e njerëzve që sakrifikuan jetën për Çlirimin e Bullgarisë, nuk duhet ta tradhtojmë - nuk mund të largohemi thjesht nga vendi.”




Последвайте ни и в Google News Showcase, за да научите най-важното от деня!

Më shumë nga rubrika

Parashikimi i motit për 29 gushtin

Të enjten para mesditës, mbi Bullgarinë Lindore do të zhvillohen vranësira, ndërsa pas mesditës edhe në pjesën tjetër të vendit. Në shumë vende në Lludogorie dhe në rajonet malore do të ketë reshje të shkurtra, përkohësisht intensive të..

botuar më 24-08-28 7.35.MD

Pjesëmarrësit në një Konferencë Ndërkombëtare bënë thirrje përpara Ambasadës së Ukrainës për ndalimin e persekutimit kundër Kishës Ortodokse të Ukrainës

Të garantohet ndërprerja e shkeljes së rëndë të vlerave dhe lirive demokratike evropiane, në formën e shkeljes së të drejtave themelore të Kishës Ortodokse të Ukrainës, si dhe shfuqizimi i ligjit që e ndalon atë. Të tilla ishin thirrjet kryesore..

botuar më 24-08-28 4.22.MD

Market LINKS: GERB - forca udhëheqëse në parlamentin e ri, DPS - me potencial për të dytën

Nëse Lëvizja për të Drejta dhe Liri (DPS) do të shfaqej si parti monolite në zgjedhjet e ardhshme të jashtëzakonshme parlamentare të 27 tetorit, do të merrte 15.4% mbështetje nga votuesit. Forca e parë është sërish GERB me 21.9%. Këtë e tregojnë..

botuar më 24-08-28 2.31.MD