Sofja nuk është ndër kryeqytetet më të vizituara evropiane, por ka shumë për të ofruar - qyteti është modern, duke ruajtur hijeshinë e së kaluarës. Kryeqyteti bullgar është një alternativë e mirë për Parisin dhe Londrën, shkruan edicioni bullgar i Deutsche Welle duke cituar burimin gjerman "Die Welt". Edicioni gjerman thekson se nga fundi i marsit 2024, Bullgaria është pjesë e zonës Shengen dhe udhëtimet ajrore janë bërë më të lehta. Gjithashtu theksohet se “Sofja është një alternativë e vërtetë për destinacionet kryesore turistike evropiane si Londra, Parisi apo Roma”, shkruan “Die Welt”, duke vënë në dukje se sofjanasit “shpesh flasin mirë anglisht dhe janë të gatshëm të ndihmojnë turistët”. Sipas “Die Welt”, tramvajet, disa prej të cilëve datojnë në vitet 1960 dhe 1980 – prodhim gjermanoperëndimor dhe çekosllovak, ende kujtojnë të kaluarën e dikurshme socialiste. Botimi gjerman i kushton vëmendje edhe historisë së Sofjes - nga koha romake deri në të kaluarën tonë të afërt socialiste. Vihet re gjithashtu se fytyra moderne e kryeqytetit bullgar mund të gjendet përreth universitetit, ku "gjithçka është e gjelbër dhe plot me kënaqësi kulinarie", dhe libraritë e shumta në qendër janë "një shenjë e mirë e vitalitetit të një qyteti".
Lexoni më shumë:
“Poezia në një shishe” - kështu e përcaktojnë njohësit varietetin emblematik të verës vendase “Mavrud”. Ajo karakterizohet me një ngjyrë të thellë rubin, si dhe nivele të larta të taninit dhe acideve. Në pijen legjendare bullgare mbizotërojnë..
S llënçev Brjag tejkaloi pushimoren turke Marmaris si destinacioni më i përballueshëm për pushimet familjare. Një sondazh i gazetës britanike online “The Independent” krahasoi çmimet e 10 artikujve thelbësorë, duke përfshirë ushqimin, pijet dhe..
Për ne, bullgarët, Bataku është një qytet i shenjtë! Edhe sot e kësaj dite, atje ndihet jehona e ngjarjeve tragjike që lidhen me Kryengritjen e Prillit të vitit 1876, kur shumica e banorëve të pafajshëm të qytezës në malin e Rodopeve u vranë..