Në lidhje me tensionin midis Ukrainës dhe Rusisë, Kirill Petkov tha para gazetarëve në parlament: “Ne besojmë në integritetin e Ukrainës. Çdo shtet, në këtë rast Rusia, nëse hyn në territorin e huaj me tanke, është shkelje e së drejtës ndërkombëtare”.
Më shumë se 100 automjete të reja ushtarake dhe dhjetëra tenda ndodhen në pjesën jugore të Bjellorusisë, pranë kufirit me Ukrainën. Këtë e tregojnë pamjet satelitore të një kompanie teknologjike amerikane, të cilat zbulojnë se në pjesën perëndimore të Rusisë, sërish afër kufirit me Ukrainën, u shfaq një spital fushor dhe mjete transporti të armëve të rënda. Nga ana e saj, Hungaria filloi forcimin e kufirit me Ukrainën me njësi ushtarake që do të kryejnë detyra humanitare dhe do të parandalojnë depërtimin e “grupeve të armatosura”. Polonia dhe Rumania kanë shprehur gatishmërinë për të pranuar një fluks refugjatësh në rast përshkallëzimi të një krize.Ndërkohë, Sekretari Amerikan i Shtetit, Antoni Blinken, njoftoi se po anulon takimin e planifikuar për 24 shkurt me diplomatin e parë rus Sergej Llavrov me arsyetimin se pushtimi rus tashmë ka filluar, gjë që përjashton mundësinë për diplomaci. Një takim mes presidentëve Biden dhe Putin nuk planifikohet për shkak të përshkallëzimit të konfliktit, por Blinken theksoi se përpjekjet diplomatike të Shteteve të Bashkuara dhe aleatëve dhe partnerëve të tyre do të vazhdojnë.
Deklarata e Sekretarit të Shtetit erdhi pas një takimi me Ministrin e Jashtëm ukrainas Dmitro Kuleba, i cili e informoi atë se Kievi nuk po planifikon të evakuojë qytetet kryesore në këtë moment dhe nuk ka ndërmend të kërkojë vendosjen e ushtarëve amerikanë për të zgjidhur krizën. Sipas Kuleba, sanksionet e vendosura nga Shtetet e Bashkuara ndaj Rusisë duken mjaft të forta si hap i parë. Intervista e tij me “Fox News” zbuloi se ai ka garanci nga Uashingtoni për të siguruar më shumë armë për vendin e tij.
Në kuadër të negociatave për formimin e qeverisë, forca e parë parlamentare GERB-SDS u takua sot me “Ka një popull të tillë”. Pjesëmarrësit në takim ranë dakord që të punojnë mbi përgatitjen e një programi të përbashkët legjislativ. Në një deklaratë për..
Kryetarja e Parlamentit Natalija Kisellova refuzoi të dorëzojë për votim në sallën plenare projektin e Marrëveshjes 10-vjeçare të Bashkëpunimit në fushën e sigurisë me Ukrainën. Ajo argumentoi refuzimin me faktin se kjo është një marrëveshje që është në..
Grupi parlamentar "DPS - Fillimi i Ri" dorëzoi në parlament një projektvendim për nënshkrimin e marrëveshjes në fushën e sigurisë midis Bullgarisë dhe Ukrainës. Me të i jepet mandat kryeministrit në detyrë Dimitër Gllavçev që ta nënshkruajë dokumentin..
Pjesërisht me re
Vranësira të dendura
Vranësira