Presidenti amerikan Joe Biden firmosi ligjin e miratuar nga Kongresi për kredi-qira në mbrojtje të demokracisë në Ukrainë. Kjo do të lejojë që Shtëpia e Bardhë të financojë mbrojtjen ushtarake të Ukrainës kundër agresionit rus pa vonesa administrative. Ligji përsërit aktin e presidentit Franklin Roosevelt nga viti 1941, sipas të cilit Shtetet e Bashkuara financuan aleatët e tyre kundër nazizmit gjatë Luftës së Dytë Botërore, përfshirë Bashkimin Sovjetik, njofton REUTERS.

Komisioni Evropian planifikon të qarkullojë një borxh të ri të përbashkët prej 15 miliardë eurosh për të financuar Ukrainën gjatë 3 muajve të ardhshëm, raportoi POLITICO, duke cituar diplomatë në Bruksel. Mekanizmi do të jetë i ngjashëm me programin SURE të shfrytëzuar gjatë pandemisë së koronavirusit.

Presidenti rus Vlladimir Putin urdhëroi krijimin e një grupi pune për pagesat ndërkombëtare, detyrat e të cilit përfshijnë përcaktimin e kushteve për transaksionet me vendet “armiqe”, transmeton TASS. Polonia dhe Bullgaria refuzuan të përmbushin kërkesat ruse dhe Moska ua ndërpreu gazin. Kremlini thotë se e njëjta gjë do të ndodhë me këdo tjetër që nuk respekton kushtet e reja të pagesës.