Krahasuar me vitin e kaluar 2021, viti aktual 2022 po bëhet më i mirë për turizmin vendas, njoftoi BTA. Ministri i Turizmit, Ilin Dimitrov, gjatë forumit “BG TURIZËM – DIMËR 2022/2023” në Bansko, të organizuar nga BTA, theksoi se ajo që ka Bullgaria në raportin çmim-cilësi është vërtet e mirë. Operatorët tanë turistikë raportojnë interes të madh nga Mbretëria e Bashkuar, me mbi 30 për qind më shumë se vitin e kaluar, dhe nga Rumania - me mbi 7 për qind. Ministria nisi gjithashtu një fushatë për të promovuar turizmin bullgar në disa vende, e para prej të cilave ishte Polonia. Takime planifikohen edhe në Izrael, Britaninë e Madhe, Gjermani, Çeki dhe Hungari. Ato do të realizohen para fillimit të sezonit.
“Po zhvillojmë takime në pesë vende me përfaqësues të biznesit për të treguar se shteti e mbështet turizmin”, tha ministri. Në këtë drejtim, ai theksoi edhe rolin e mesazheve pozitive për turizmin bullgar dhe njoftoi nismat e reja për promovimin e tij në partneritet me Radion Kombëtare Bullgare, nëpërmjet programeve podkaste audio dhe video në 11 gjuhë. Synimi është të thellojmë reklamimin e pushimoreve tona verore dhe dimërore. Kjo nismë do të financohet nga departamenti, ndërsa turizmi bullgar do të reklamohet edhe në “Euronews”.
Shtëpia me ushqimet më të shijshme, banuesit më të rinj dhe eksperiencat më të pazakonta ndodhet në Rodope dhe mban emrin përrallor "Momçill Junak". Deri pak kohë më parë, baza në pronësi të Bashkisë së Smoljanit ishte bosh. Por mbërritën Nikoleta dhe..
Rajoni i malit Stara Pllanina përreth qytetit të Bullgarisë Veriore - Elena gëzon interes të pandërprerë turistik jo vetëm nga bashkatdhetarët tanë, por edhe nga shumë të huaj. Madje disa prej tyre vendosen këtu përgjithmonë, duke u bërë pjesë e..
Më shumë se 1 milion udhëtarë priten në Bullgari për Pashkët, tha për BTA Rumen Draganov, drejtor i Institutit për Analiza dhe Parashikime në Turizëm. Në një periudhë prej rreth 5 vitesh, Pashkët bien në fillim të majit, dhe zakonisht atëherë..